Fréttir

Fjallabyggðarhafnir óskar eftir tilboðum í verkið "Siglufjörður - Innri höfn, steypt þekja og lagnir 2024". Allar nánari upplýsingar um verkið og útboðsgöng er að finna hér fyrir neðan.

Fjallabyggð auglýsir eftirfarandi lóðir lausar til úthlutunar að nýju: Eyrarflöt 11-13 (landnúmer 237088), parhúsalóð – 2 íbúðir. Eyrarflöt 22-28 (landnúmer 226887), raðhúsalóð – 4 íbúðir.

Athöfn, þar sem besta og efnilegasta íþróttafólk Fjallabyggðar var verðlaunað fyrir frammistöðu sína á sl. ári, fór fram í Tjarnarborg í gærkvöldi að viðstöddu fjölmenni. Líkt og í rúman áratug eru það Kiwanisklúbburinn Skjöldur og Ungmenna- og íþróttasamband Fjallabyggðar sem standa að valinu, í samstarfi við íþróttafélög innan UÍF, sem og að athöfninni sjálfri.

Flugeldasýning Kiwanisklúbbsins Skjaldar í samvinnu við Björgunarsveitina Stráka á Siglufirði verður á hafnarsvæðinu þann 6. janúar nk. kl. 18:00. Þrettándabrenna, blysför og grímuball sem halda átti á sama tíma fellur niður af óviðráðanlegum orsökum.

Í þriðja sinn stendur Norðanátt, með stuðningi frá Umhverfis-, orku- og loftlagsráðuneytinu, fyrir Fjárfestahátíð á Siglufirði. Hátíðin fer fram þann 20. mars 2024 og auglýsir Norðanátt nú eftir nýsköpunarverkefnum í leit að fjármögnun úr öllum landshlutum.

Stýrihópur um heilsueflandi samfélag, Skíðafélag Ólafsfjarðar og Skíðafélag Siglufjarðar Skíðaborg, ætla að standa sameiginlega fyrir námskeiðum í skíðagöngu fyrir íbúa Fjallabyggðar í janúar 2024. Fyrirhugað er að námskeiðin verði tvö, í sitt hvorum bæjarhluta Fjallabyggðar en íbúum er frjálst að velja það námskeið sem hentar.

Hér er að finna sorphirðudagatal í Fjallabyggð fyrir desember 2023 og janúar 2024. Sorphirðudagatal. Sorp er hirt á mánudögum og þriðjudögum á Siglufirði og á miðvikudögum í Ólafsfirði.

Daníel Páll Víkingsson hefur verið ráðinn varaslökkviliðsstjóri Slökkviliðs Fjallabyggðar og tekur hann við starfinu af Þormóði Sigurðssyni 1. janúar nk.

Matvælaráðuneytið hefur tilkynnt Fjallabyggð um úthlutun á 167 tonnum af byggðakvóta, af alls 4829 tonna byggðakvóta yfirstandandi fiskveiðiárs 2023-2024. Fjallabyggð fær samtals 3,4% af heildarúthlutun til allra byggðarlaga. Kvótinn skiptist á milli sveitarfélagsins þannig að til Ólafsfjarðar fara 36 tonn, en til Siglufjarðar fara 131 tonn.. Heildartonnafjöldinn þ.e. 167 tonn sem úthlutað er til byggðarlagsins er 18 tonnum lægri en á síðasta fiskveiði ári.

Félögum eldri borgara í Fjallabyggð var boðið til Aðventustundar í Bátahúsi Síldarminjasafnsins mánudaginn 11. desember sl.