Fréttir

Vegna viðgerða verður að loka sundlauginni í Ólafsfirði í dag, fimmtudag, frá kl.17:00. Lokað verður einnig á morgun, föstudaginn 18. september. Venjuleg opnun laugardaginn 19. sept. kl.10:00 – 14:00

Blóðbankabílinn verður við Ráðhústorgið á Siglufirði mánudaginn 21. september frá kl. 15:00 - 18:00. Allir velkomnir. Blóðgjöf er lífgjöf.

Líkt og greint var frá hér á heimasíðunni í ágúst er hægt að kalla fram upplýsingar um lóðir, fasteignir, vegi, lagnir í eigu Rarik og Norðurorku, fráveitu, vatnsveitu auk hin ýmsu þjónustutákn á sérstakri kortasjá sem unnin er af fyrirtækinu Loftmyndir.

Í síðustu viku tók Heyrnar- og talmeinastöð Íslands í notkun nýja sérútbúna bifreið, sem verður notuð til reglulegra ferða út á land svo færa megi þjónustu HTÍ nær notendum.

Foreldravika verður í Tónskóla Fjallabyggðar vikuna 21. – 25. september. Í foreldravikunni verður farið yfir markmiðasamninga sem nemandi, kennarar og foreldrar gera sín á milli fyrir skólaárið 2015 – 2016. Öllum foreldrum og forráðamönnum verður sent aðgangsorð að Visku mánudaginn 14. september og geta þeir þar kynnt sér betur markmiðasamningana fyrir foreldraviku.

Grunnskóli Fjallabyggðar mun taka þátt í átakinu Göngum í skólann sem fer fram dagana 14. -25. sept.

Aðalfundur Leikfélags Fjallabyggðar verður haldinn í kvöld, þriðjudaginn 15. september kl. 20:00. Fundurinn fer fram í Menningarhúsinu Tjarnarborg. Á fundinum fara fram hefðbundin fundarstörf og kosning stjórnar.

Þessa dagana er verið að fjarlægja steypustöðina í Ólafsfirði sem notuð var við gerð Héðinsfjarðarganga og skemmu sem þar hefur líka staðið. Tæp fjögur ár eru síðan göngin voru opnuð og margir beðið eftir því að þessi mannvirki verði fjarlægð.

Á sjónvarpsstöðinni N4 er Gestur Einar Jónasson með þátt sem heitir Hvítir mávar. Þar fær hann skemmtilegt fólk til sín í spjall og ræðir um lifið og tilveruna. Í gær var hjá honum i viðtali Steinunn María Sveinsdóttir formaður bæjarráðs Fjallabyggðar. Skemmtilegt viðtal sem horfa má á hér í gegnum heimasíðu N4.

Næstkomandi föstudag, 11. sept., opnar sýning í Kompunni, Alþýðuhúsinu Siglufirði. Það er Bergþór Morthens sem verður með sýningu og er yfirskriftin "Við aftökustaðinn".