Fréttir

Hjónin Baldvin Júlíusson og Margrét Sveinbergsdóttir færðu Fjallabyggð að gjöf, málverk eftir listmálarann Sigurjón Jóhannsson. Myndina málaði Sigurjón árið 1988 og er hún af dreng að "spranga" í Siglufjarðarhöfn.

Listasmiðjan SKAFL fer fram í Alþýðuhúsinu á Siglufirði í þriðja sinn með þátttöku listamanna með ólíkan bakgrunn í listum og nú í samstarfi við Ljósastöðina. Fólk kemur saman víða að og vinnur í frjálsu flæði og þvert á listgreinar í nokkra daga. Smiðjan er hugsuð sem tilraunasmiðja og verða því ekki endilega til fullmótuð verk eða hugmyndir á vinnutímanum. Mikilvægast er samtalið og samvera listamannanna og samskipti við bæjarbúa. Smiðjan er opin þannig að gestir eru velkomnir að kíkja við í miðdegiskaffi í spjall og hugmyndaflæði við eldhúsborðið.

Sköpun og verk - Handverkssýning í Tjarnarborg fyrsta vetrardag 23. október nk.

Vegna vinnu við dreifikerfi verður LOKAÐ fyrir HEITT VATN á brekkunni í Ólafsfirði fimmtudaginn 21. október. Áætlaður tími lokunar er frá kl. 13:00 - 19:00 eða á meðan vinna stendur yfir.

Sundlaugar Fjallabyggðar verða lokaðar í dag mánudaginn 25. október frá kl. 14:30 – 17:00. Rækt og salur verða opin.

Vegna vinnu við vatnsveitu í Ólafsfirði geta orðið truflanir á vatnsþrýstingi í bænum á milli klukkan 12:00 – 22:00 í dag miðvikudaginn 20. október. Mögulega gæti orðið vatnslaust á Hlíðarvegi og Túngötu.

Íþróttamiðstöð Fjallabyggðar auglýsir lengda opnun sundlauga á þriðjudögum og fimmtudögum frá og með 21. október til 31. desember 2021

Húlladúllan býður íbúum á Tröllaskaga upp á bráðskemmtilega og heilsueflandi fjölskyldusirkushelgi helgina 23. - 24. október 2021. Þátttakendur kynnast og spreyta sig á hinum ýmsu sirkuslistum og og sirkusáhöldum auk þess sem við förum í allskonar skemmtilega leiki.

Slysavarnadeild kvenna á Ólafsfirði færði í dag Slökkviliði Fjallabyggðar tvö hjartastuðtæki að gjöf. Tækin eru kærkomin enda krafa um að slíkur búnaður sé til staðar í slökkvibílum. Slökkviliðsmenn veittu tækjunum viðtöku á slökkvistöðinni á Ólafsfirði.

Opið hefur verið fyrir umsóknir um styrki fyrir árið 2022. Umsóknarfrestur er til og með 28. október 2021. Bæjarráð auglýsir eftir umsóknum: um styrki til menningarmála um styrki til hátíðarhalda um styrki til reksturs safna og setra um styrki til fræðslumála um styrki til félaga- og félagasamtaka til greiðslu fasteignaskatts 2022