Laufey Petra Þorgeirsdóttir er íþróttamaður Fjallabyggðar árið 2025

Í kvöld var besta og efnilegasta íþóttafólk Fjallabyggðar verðlaunað við hátíðlega afhöfn í Tjarnarborg og jafnfram valin íþróttamaður ársins 2025.

Fjölmargir voru tilnefndir í hinum ýmsu keppnisgreinum. Sjá frétt um tilnefningar.

Íþróttamaður ársins 2025 var valin Laufey Petra Þorgeirsdóttir. Fjallabyggð óskar henni innilega til hamingju með titilinn.

Í umsögn valnefndar segir meðal annars; „Það er auðvelt hægt að mæla með Laufey Petru sem skíðakonu Fjallabyggðar. Laufey Petra er ung og efnileg skíðakona sem hefur á undanförnum árum sýnt fram á einstakan metnað, jákvætt viðmót og góðan aga. Hún mætir alltaf stundvíslega og leggur sig 100% fram. Laufey er frábær fyrirmynd fyrir aðra iðkendur þar sem hún tekur leiðbeiningum af athygli og nýtir þær til þess að gera sig að betri skíðakonu. Laufey tók þátt í fjölmörgum mótum á árinu hérlendis og svo einnig erlendis t.d. í Frakklandi. Hún tók þátt í meistarmótum í Belgíu, Danmerku og Lúxemborg. Laufey endaði í 12 sæti í bikarkeppni tímabilsins í fullorðinsflokki enn í 3 sæti í flokki 18-20 ára. Hún er fyrirmyndar iðkandi bæði á æfingum og utan æfingartíma. Með þessum dugnaði og elju mun hún ná enn lengra í framtíðinni.“

Kiwanisklúbburinn Skjöldur og Ungmenna- og íþróttasamband Fjallabyggðar stóðu að valinu á írþottamanni Fjallabyggðar í samstarfi við íþróttafélög innan UÍF. Félögin stóðu einnig að viðburðinum í Tjarnarborg.

Hér að neðan má sjá myndir frá viðburðinum sem Hjalti Gunnarsson tók.