Fréttir

Síldarminjasafnið hlýtur Phoenix-verðlaun Félags bandarískra ferðarithöfunda (e. Society of American Travel Writers). Með þeim er veitt viðurkenning á sviði sögu, menningar og umhverfis og heiðraðir áfangastaðir sem sýna ábyrga, sjálfbæra ferðaþjónustu.

Nú styttist í ráðstefnu Evrópsku Kítinsamtakanna, EUCHIS 2023, á Siglufirði 11.-14. september 2023. Samtökin eru leiðandi á heimsvísu í kítíniðnaðnum og munu rúmlega hundrað vísindamenn og fólk úr nýsköpunargeiranum vítt og breitt um heiminn sækja ráðstefnuna. Það er ánægjulegt að samtökin hafi valið Siglufjörð sem ráðstefnustað en hingað til hefur hún farið fram í stórborgum í Evrópu og til stóð að hún yrði haldin í Moskvu í ár.

233. fundur bæjarstjórnar Fjallabyggðar, verður haldinn í Ráðhúsi Fjallabyggðar þann13. september 2023 kl. 12:00.

Veginum um Strákagöng (76-10) verður lokað þriðjudagskvöldið 12. september á milli klukkan 20:00-23:00 vegna æfingar Slökkviliðs Fjallabyggðar

Í dag var undirritaður samningur á milli stjórnar Félags eldri borgara í Ólafsfirði og Fjallabyggðar vegna húseignarinnar Bylgjubyggð 2, þ. e. hús eldri borgara. Þar með verður Fjallabyggð þinglýstur eigandi húseignarinnar og tekur yfir rekstur hennar. En Félag eldri borgara mun fá endurgjaldslaus afnot af hluta hússins fyrir félagsstarf sitt.

Beginners A1-1. A course for beginners and those who speak little or no icelandic and want to learn more, starts September 20th, 2023. Fyrir þau sem hafa lokið stigi 1 og/eða hafa grunnfærni í íslensku. Námskeið hefst 20. september 2023 Level 3 A2-1. A course for those who have finished Level 2 and/or have good understanding in icelandic, starts September 12th, 2023. Fyrir þau sem hafa lokið stigi 2 og/eða hafa góða undirstöðu í íslensku. Námskeið hefst 12. september 2023.

Í dag stendur yfir Farsældarþing í Hörpu. Á þessu fyrsta Farsældarþingi eiga fagfólk, þjónustuveitendur, stjórnvöld, börn og aðstandendur víðtækt samtal um farsæld barna og er þingið mikilvægur liður í stefnumótun og áætlanagerð þegar kemur að innleiðingu laga um farsæld barna.

Deiliskipulag fyrir brimbrettaaðstöðu við Brimnestungu í Ólafsfirði og breyting á aðalskipulagi – kynning skipulagstillaga á vinnslustigi Fimmtudaginn 7. sept­em­ber milli kl. 13:00 – 15:00 verð­ur skipulagsfulltrúi með opið hús í Ráðhúsi Fjallabyggðar að Gránugötu 24 þar sem tillögurnar verða kynntar þeim sem þess óska.

Opnað hefur verið fyrir umsóknir í hraðalinn STARTUP STORM - Vaxtarrými fyrir norðlenska sprota. Þriðjudaginn 5. september fer fram opinn kynningarfundur á hraðlinum Startup Storm, sem Norðanátt stendur fyrir. Norðanátt er hreyfiafl nýsköpunar á Norðurlandi og er markmið okkar að skapa kraftmikið samfélag fyrir frumkvöðla og fyrirtæki á svæðinu sem eru að vinna að nýsköpun með áherslu á loftslagsmál og hringrásarhagkerfið.

Opið er fyrir umsóknir um styrki úr bæjarsjóði fyrir árið 2024. Umsóknarfrestur hefur verið framlengdur til kl. 15:00 mánudaginn 25. septmeber nk. Einungis verður hægt að sækja um rafrænt inn á Rafræn Fjallabyggð.