Hér er að finna upplýsingar um frístundastyrk Fjallabyggðar. Ef fleiri spurningar vakna er hægt að hafa samband við íþrótta- og tómstundafulltrúa Fjallabyggðar.
Frístundastyrkur á árinu 2020 er kr. 35.000.- pr. barn á aldrinum 4-18 ára
Reglur um frístundastyrk Fjallabyggðar (2019)
Fyrir hverja er frístundastyrkur?
Til að starfsemi geti talist styrkhæf þarf námskeiðið/starfsemin að standa yfir í a.m.k. 10 vikur samfellt. Starfsemin þarf að vera byggð á uppeldislegum gildum og forvörnum og fara fram undir stjórn/leiðsögn menntaðs fagaðila á sviði íþrótta og/eða tómstunda.
Vakin er athygli á að ekki er heimilt að flytja styrkinn á milli ára.
Tilgangur með frístundastyrk
Meginmarkmið frístundastyrkja er að öll börn og unglingar frá 4 - 18 ára aldurs í Fjallabyggð geti tekið þátt í uppbyggilegu frístundastarfi óháð efnahag eða félagslegum aðstæðum. Með frístundastyrknum má greiða að hluta fyrir íþrótta-, lista- og tómstundastarfsemi, á vegum félaga, samtaka og stofnana í Fjallabyggð. Frístundastyrkurinn eykur jöfnuð í samfélaginu og fjölbreytileika í iðkun íþrótta-, lista- og tómstundastarfsemi. Með frístundastyrknum skapast einnig möguleikar til nýrrar starfsemi og sérstakra verkefna sem beinast að ófélagsbundinni æsku.
Eftirtaldir aðilar hafa gert samkomulag við Fjallabyggð um frístundastyrk:
- Golfklúbbur Ólafsfjarðar
- Golfklúbbur Siglufjarðar
- Hestamannafélagið Glæsir
- Hestamannafélagið Gnýfari
- Knattspyrnufélag Fjallabyggðar
- Skotfélag Ólafsfjarðar
- Skíðafélag Ólafsfjarðar
- Skíðafélag Siglufjarðar Skíðaborg
- Snerpa, íþróttafélag fatlaðra
- Tennis- og badmintonfélag Siglufjarðar
- Ungmennafélagið Glói
- Íþróttamiðstöð Fjallabyggðar
- Tónlistarskólinn á Tröllaskaga
- Skíðasvæðið í Tindaöxl
- Skíðasvæðið í Skarðsdal
- Lisebet Hauksdóttir (bandý)
- GG þjálfun
- Jónína Björnsdóttir (íþróttanámskeið fyrir 2-5 ára börn, sundnámskeið að vori)
- María Jóhannsdóttir (sundnámskeið)
- Kraftlyfingarfélag Ólafsfjarðar Fjallabyggð
- Herdís Erlendsdóttir (Reiðnámskeið)
Skráning á námskeið
Skráning á námskeið fer fram hjá viðkomandi félagi/fyrirtæki þar sem barnið stundar sitt frístundastarf.
Hverjir geta ráðstafað styrknum?
Foreldrar og forráðamenn iðkanda/styrkþega sem eigi lögheimili eða stunda nám í Grunnskóla Fjallabyggðar. Að félagið/stofnunin sem nýtur greiðslunnar hafi lögheimili í Fjallabyggð og hafi gert samning um endurgreiðslu frístundastyrkja við Fjallabyggð. Að styrkþegi sé á aldrinum 4 – 18 ára miðað við fæðingarár. Að um skipulagt starf/kennslu/þjálfun sé að ræða. Að ekki verði óeðlilegar hækkanir á kostnaði við iðkun og æfingagjöldum. Styrkur getur aldrei orðið hærri en þátttöku- eða æfingagjald viðkomandi íþrótta- eða tómstundagreinar.