Samgöngur á landi

Skólaakstur í Fjallabyggð

Gildistími aksturstöflu frá 21. ágúst 2023. Einungis keyrt á virkum dögum.

Almennir farþegar eru velkomnir í skólarútu ef sæti eru laus en nemendur grunnskóla, menntaskóla og starfsfólk sveitarfélagsins ganga fyrir sætum, í þessari röð.

Tímatafla til útprentunar

Almenningssamgöngur í Fjallabyggð

STRÆTÓ ehf ekur milli Fjallabyggðar og Akureyrar. Strætó annast strætisvagnaþjónustu á landsbyggðinni og er með fastar ferðir milli Fjallabyggðar og Akureyrar. Strætóferðir á virkum dögum frá Siglufirði eru kl. 06:40, 09:30 og 15:00 og stoppar vagninn við Múlaveg í Ólafsfirði kl. 06:56, 09:46 og 15:16. Um helgar er eingöngu ekið á sunnudögum og er þá farið frá Siglufirði kl. 10:30. Bíllinn er þá í Ólafsfirði kl. 10:46. Sama tímasetning er á helgidögum. Aksturstími til Akureyrar er um 1 klst. og 10 mín. Á virkum dögum fer Strætó frá Menningarhúsinu Hofi kl. 08:15, 13:15 og 16:30. Á sunnu- og helgidögum kl. 15:40.

Allar nánari upplýsingar er að finna á heimasíðu Strætó.

Fréttir

Forgangsröðun jarðganga í nýrri samgönguáætlun

14.06.2023

Bæjarstjóri Fjallabyggðar, Sigríður Ingvarsdóttir hefur beitt sér ötullega í því að koma sjónarmiðum sínum og Bæjarstjórnar Fjallabyggðar á framfæri í forvinnu nýrrar samgönguáætlunar fyrir tímabilið 2024 til 2038. Sérstaklt ánægjuefni er að í nýrri áætlun er ekki eingöngu um að ræða að ný gögn úr Siglufirði yfir í Fljót eru nú í öðru sæti á listanum, heldur eru ný göng úr Ólafsfirði yfir á Dalvík nú komin í fjórða sæti forgangslistans. En í fyrri áætlun var einungis gert ráð fyrir að tvöfalda Múlagöng. Þetta er því gríðarlega stór áfangi fyrir sveitafélagið og nágranna okkar.

Lesa meira