Fréttir & tilkynningar

Sýningaropnun - Seiðandi dans í Kaktus Akureyri

Á morgun föstudaginn 1. nóvember opnar Aðalheiður S. Eysteinsdóttir sýninguna Seiðandi dans í Kaktus. Opnunin hefst klukkan 20:00 með súpu og léttum veitingum. Að vanda eru allir hjartalega velkomnir að njóta lista og ljúfra stunda.
Lesa meira

Viðtalstími bæjarfulltrúa Fjallabyggðar á Siglufirði 28. október kl. 16:30

Næsti viðtalstími bæjarfulltrúa verður í dag mánudaginn 28. október að Gránugötu 24, Siglufirði kl. 16:30-17:30. Til viðtals verða bæjarfulltrúarnir Ingibjörg S. Jónsdóttir, Særún Hlín Laufeyjardóttir og Tómas Atli Einarsson
Lesa meira

Umsóknarfrestur vegna styrkumsókna framlengdur til miðnættis 27. október 2019

Umsækjendur athugið! Vegna tæknilegra vandamála með að vista umsóknir í umsóknarferli hefur Fjallabyggð ákveðið að framlengja umsóknarfrest vegna styrkumsókna sem vera átti fimmtudag 24. október. Nýr umsóknarfrestur er á miðnætti sunnudaginn 27. október nk.
Lesa meira

Viðtalstímar Markaðsstofu Norðurlands

Í október og nóvember verða starfsmenn Markaðsstofunnar á ferð um landshlutann og bjóða öllum þeim sem hafa áhuga til viðtals um þau verkefni sem verið er að vinna að á vegum stofnunarinnar, eins og DMP áfangastaðaáætlun, Flugklasann Air 66N, Norðurstrandarleið eða almennt um það sem tengist markaðsmálum til erlendra ferðamanna. Hægt verður að panta 20 mínútna langa fundi með þeim Arnheiði Jóhannsdóttur framkvæmdastjóra og Birni H. Reynissyni verkefnastjóra.
Lesa meira

Listaverkagjöf til Fjallabyggðar

Afkomendur Stefáns Friðbjarnarsonar fyrrum bæjarstjóra Siglufjarðar (1966-1974) færðu Fjallabyggð málverk eftir Herbert Sigfússon málara að gjöf. Málverkið sem málað er árið 1947 er af Siglufirði og prýddi heimili Stefáns og fjölskyldu hans allt til dánardags Stefáns. Eins og fyrr segir eru það börn Stefáns, þau Sigmundur, Kjartan og Sigríður sem eru gefendur málverksins en hjónin Kjartan Stefánsson og Guðrún K. Sigurðardóttir afhentu gjöfina.
Lesa meira

Erindi, tillögur og/eða ábendingar er varða fjárhagsáætlun 2020.

Þeir íbúar, félagasamtök og fyrirtæki í Fjallabyggð sem vilja koma með erindi, tillögur og/eða ábendingar er varða fjárhagsáætlun ársins 2020 eru hvattir til að senda þær inn til bæjaryfirvalda rafrænt á heimsíðu Fjallabyggðar eða á netfangið fjallabyggd@fjallabyggd.is
Lesa meira

VODA : tónleikar & myndlistarsýning í Alþýðuhúsinu

Þann 15. Október munu rafnar, Dušana & Framfari halda litríkan fögnuð og listviðburð í Alþýðuhúsinu á Siglufirði þar sem verður boðið upp á heimatilbúinn blöndung af tónverkum, myndlist og videoverkum. Samhliða hljómleikunum þá opnar ný listasýning með verkum eftir Dušana Pavlovičová. Sýningin er hluti af heildarverkinu VODA sem þau öll þrjú hafa unnið saman að undanfarin tvö ár. VODA verður flutt í heild sinni á tónleikunum ásamt kvikmyndatónlist Framfara úr myndinni Af Jörðu Ertu Kominn sem var frumsýnd fyrr á ári
Lesa meira

Opnunartími sundlauga verður lengdur til reynslu á þriðjudögum og fimmtudögum

Ákveðið var á 75. fundi Fræðslu- og frístundanefndar að lengja opnunartíma sundlauga á þriðjudögum og fimmtudögum til kl. 20:30 á Siglufirði og til kl. 20:00 í Ólafsfirði. Tillöguna lagði fram Haukur Sigurðsson, forstöðumaður íþróttamiðstöðva Fjallabyggðar.
Lesa meira

Flug til framtíðar - málþing og vinnustofa 15. október

Þriðjudaginn 15. október verður málþing, og vinnustofa, undir nafninu „Flug til framtíðar“ haldið í Menningarhúsinu Hofi á Akureyri, frá kl. 13-16. Á fundinum verður fjallað um millilandaflug á Norðurlandi, fulltrúar frá bæði Super Break og Voigt Travel tala um sína reynslu af beinu flugi til Akureyrar og fara yfir þeirra framtíðarsýn í þeim efnum. Þá verður einnig fjallað um millilandaflug í tengslum við byggðamál. Að loknu málþingi verður haldin vinnustofa þar sem gestum gefst tækifæri til að ræða málin. Við hvetjum alla til að mæta og taka þátt í umræðum og vinnustofu um þetta þetta hagsmunamál okkar allra.
Lesa meira

Viðburðadagatal á aðventu 2019 - frestur til að senda inn viðburð framlengdur til 15. nóvember

Eins og fyrri ár er undirbúningur að aðventu- og jóladagskrá í Fjallabyggð að hefjast og byrjum við á viðburðadagatalinu. Undanfarin ár hefur viðburðadagatal verið gefið út á vegum bæjarins þar sem tíunduð er dagskrá sem flestra þjónustuaðila, kirkjunnar, félaga, safna, skóla, jólamarkaðir, miðbæjarstemning og fleira sem fylgir því að njóta töfra aðventunnar.
Lesa meira