Fréttir & tilkynningar

Grunnskóli Siglufjarðar í úrslitum í Skólahreysti

Grunnskóli Siglufjarðar tryggðu sér sæti í úrslitum í Skólahreysti 2008, sem fram fer í Laugardalshöll 17. apríl nk. Tvær keppnir fóru fram í Íþróttahöllinni Akureyri í gær, þar sem alls 18 skólar kepptu í tveimur riðlum. Í fyrri riðlinum kepptu skólar úr dreifbýli, alls ellefu lið. Keppnin var jöfn og spennandi og voru það lið Reykjahlíðarskóla, Dalvíkurskóla og Grunnskóla Siglufjarðar sem leiddu keppnina allan tímann þar til Grunnskóli Siglufjarðar hafði sigur.
Lesa meira

Svarfdælskur vísnasöngvari með sænsku þjóðlagabandi í Ólafsfjarðarkirkju

Dana Ýr Antonsdóttir er vísnasöngkona af svarfdælsku bergi brotin. Dana er þessa dagana á tónleikaferð hér á landi ásamt þrem Svíum í hljómsveitinni Finlir og halda þau tónleika í Ólafsfjarðarkirkju kl 17:00 á sunnudaginn, 2. mars.  
Lesa meira

Umsóknir vegna mótvægisaðgerða margar

Alls bárust 543 umsóknir og sótt var um styrki til verkefna samtals að upphæð rúmlega 3,2 milljarða. Til ráðstöfunar eru 360 milljónir árin 2008 og 2009. Þann 5. febrúar rann út frestur til að sækja um stuðning við verkefni til atvinnusköpunar í ferðaþjónustu vegna mótvægisaðgerða ríkisstjórnarinnar.  Alls bárust 303 umsóknir samtals rúmlega 1,8 milljarðar.
Lesa meira

Verkefnisstjóri framhaldsskólans ráðin

Jón Eggert Bragason framhaldsskólakennari í Reykjavík hefur verið ráðinn verkefnisstjóri væntanlegs framhaldsskóla við utanverðan Eyjafjörð.
Lesa meira

Gott skíðaveður í dag.

Á Ólafsfirði er lyftan opin og gott skíðafæri. Einnig er búið troða gönguleiðir í fjallinu og búið er að opna göngusvæðið á Flæðunum. Þó nokkuð hefur snjóað á skíðasvæðinu í Skarðsdal og er verið að vinna þann snjó niður, gera brautir pakkaðar og góðar. Neðsta lyfta og T lyfta verða opnaðar klukkan 16:00 opnar til 19:00. Það er því tilvalið fyrir íbúa Fjallabyggðar að drífa sig á skíði í góða veðrinu.  
Lesa meira

Bæjarfulltrúar taka áskorun Snerpu

Eftir nokkra umhugsun hafa bæjarfulltrúar Fjallabyggðar ákveðið að taka áskorun Snerpu, en eins og segir frá hér neðar á heimasíðunni skoraði Snerpa Bæjarfulltrúa Fjallabyggðar til keppni í boccia. Minnug árangri sínum í fyrra, tóku bæjarfulltrúar sér smá umhugsunarfrest áður en þeir staðfestu þátttöku sína í keppninni.
Lesa meira

Þorramót Snerpu

Hið árlega Þorramót Snerpu, verður haldið laugardaginn 1. mars. Mótið hefst kl. 10:00 í íþróttahúsinu á Siglufirði. Keppt verður í sveitakeppni og eru tveir í liði. Keppt verður í 4 riðlum. Snerpufélagar hafa skorað á bæjarstjórn Fjallabyggðar í boccia, ekki hefur heyrst frá bæjarstjórn hvort hún taki áskoruninni.  
Lesa meira

Fjárhagsáætlun Fjallabyggðar 2008

Fjárhagsáætlun Fjallabyggðar fyrir árið 2008 er komin út. Hægt er nálgast áætlunina hér á heimasíðunni undir útgefnu efni eða http://www.fjallabyggd.is/skrar/.pdf/fb08_fj_rhagsaaetlun_alm.pdf
Lesa meira

Snjóflóðanámskeið fyrir leitarhunda

Dagana 1.-5. mars heldur Slysavarnarfélagið Landsbjörg snjóflóðanámskeið fyrir leitarhunda og þjálfara þeirra í Ólafsfirði. Reiknað er með að yfir 30 hundar og um 40 björgunarsveitarmenn  víðsvegar af landinu auk sjálfboðaliða úr Fjallabyggð taki þátt í námskeiðinu og æfingum tengdum því . Hér um mjög metnaðarfullt námskeið að ræða, þar sem hundar verða m.a. þjálfaðir í þremur flokkum. Einnig verða á boðstólnum fyrirlestrar um snjóflóð og snjóflóðavarnir fyrir hundaþjálfara.
Lesa meira

Seyra ehf. Kynningarfundur

Laugardaginn 23. febrúar kl. 14.00 heldur Seyra ehf. almennan kynningarfund í húsnæði fyrirtækisins að Vetrarbraut (Ketilhúsinu) á Siglufirði. Íbúar eru hvattir til að koma á fundinn og kynna sér fyrirhugaða starfsemi Seyru ehf.
Lesa meira