Lagt fram erindi, dagsett 4. maí 2022, þar sem Anita Elefsen f.h. Síldarminjasafns Íslands óskar eftir því að listaverkið Síldartorfan fái að standa á landfyllingu austan Róaldsbrakka til frambúðar. Verkið stendur yst á landfyllingunni og kemur ekki í veg fyrir gott aðgengi að bátarennu sem staðsett er austast á svæðinu.
Jafnframt er óskað leyfis fyrir því að Síldarminjasafnið fegri svæðið umhverfis verkið með einföldum gangstíg og undirlagi undir sjálft verkið og umhverfis það. Notast verði við hellur eða möl. Einnig verði sett upp einfalt, lágreist upplýsingaskilti. Þessar framkvæmdir yrðu á kostnað og ábyrgð Síldarminjasafnsins.
Umhverfisfegrun samþykkt með því skilyrði að ekki verði þrengt að bátarennu.