Erindi varðandi byggingarreit á gamla íþróttavellinum

Málsnúmer 2111059

Vakta málsnúmer

Bæjarráð Fjallabyggðar - 723. fundur - 09.12.2021

Lagt er fram erindi Ingvars Á Guðmundssonar, Rögnvaldar Þórðarsonar og Guðfinnu Ingimarsdóttur f.h. Félags eldri borgara á Siglufirði dags. 21. nóvember 2021. Í erindinu óska bréfritarar eftir því, f.h. félagsins, að Fjallabyggð hefji formlegt ferli með það að markmiði að skilgreina byggingarreit á gamla malarvellinum við Túngötu með það að markmiði að reisa megi á svæðinu umtalsverðan fjölda íbúða fyrir 60 ára og eldri.
Um leið og bæjarráð þakkar innsent erindi þá vill ráðið benda á að á umræddu svæði er í gildi deiliskipulag og að í gangi er vinna hjá sveitarfélaginu sem m.a. hefur það að markmiði að koma til móts við þau sjónarmið sem fram eru sett í erindinu. Sem dæmi um þá vinnu þá hefur sveitarfélagið átt í viðræðum við Bríeti leigufélag varðandi að félagið komi að málum með það að markmiði að örva nýbyggingarmarkaðinn í Fjallabyggð. Ein afurð þeirra viðræðna er að leigufélagið hefur nýlega auglýst eftir samstarfsaðilum til að koma að byggingarverkefnum í tíu sveitarfélögum á landsbyggðinni, Fjallabyggð er eitt þeirra sveitarfélaga. Einnig er í gangi vinna hjá sveitarfélaginu við að uppfæra húsnæðisáætlun sveitarfélagsins, stór hluti þeirrar vinnu er að greina húsnæðisþörf til framtíðar m.a. með það að markmiði að koma til móts við þarfir eldri íbúa í Fjallabyggð.