Holræsahreinsun, verðkönnun

Lagt fram vinnuskjal deildarstjóra tæknideildar ásamt fylgigögnum, dags. 20.01.2021 þar sem óskað er eftir heimild bæjarráðs til þess að gera verðkönnun á holræsahreinsun í Fjallabyggð.

Eftirtöldum aðilum yrði gefin kostur á að bjóða í verkið; Hreinsitækni ehf., og Verkval ehf.

Bæjarráð samþykkir að heimila verðkönnun í holræsahreinsun í Fjallabyggð og felur deildarstjóra tæknideildar að vinna málið áfram.

Lagt fram vinnuskjal deildarstjóra tæknideildar, dags. 26.02.2021 þar sem fram kemur að tilboð voru opnuð í verkið Holræsa- og gatnahreinsun þann 09.02.2021.

Eftirfarandi tilboð bárust:
Hreinsitækni ehf. kr. 17.270.280 m. vsk. fyrir 3 ár.
Verkval ehf. kr. 14.983.500 m. vsk. fyrir 3 ár.
Kostnaðaráætlun var kr. 22.350.000 m. vsk. í 3 ár.

Undirritaður leggur til við bæjarráð að tilboði Verkvals ehf. sem jafnframt er lægst bjóðandi verði tekið.

Bæjarráð samþykkir að taka tilboði Verkvals ehf. í verkið Holræsa- og gatnahreinsun og felur deildarstjóra tæknideildar að undirrita samninginn fyrir hönd sveitarfélagsins.

Lagt fram erindi Hreinsitækni ehf., dags. 05.03.2021 þar sem óskað er eftir rökstuðningi og gögnum frá sveitarfélaginu vegna tilboðs Verkvals ehf. sem tekið var í kjölfar verðkönnunar í verkið Holræsa- og gatnahreinsun.

Bæjarráð samþykkir að fela deildarstjóra tæknideildar að svara erindinu og leggja fyrir bæjarráð.