Aðstaða fótaaðgerðafræðings

Lagt fram erindi Eddu Láru Guðgeirsdóttur fótaaðgerðafræðings, dags. 05.04.2019 þar sem hún óskar eftir því að fá að nýta aðstöðu í Hornbrekku til þess að sinna þjónustu við aldraða.

Bæjarráð samþykkir að óska eftir umsögn deildarstjóra félagsmáladeildar.

Lagt fram vinnuskjal deildarstjóra félagsmáladeildar, dags. 03.05.2019 vegna erindis Eddu Láru Guðgeirsdóttur, fótaaðgerðafræðings um afnot af aðstöðu fyrir starfsemi hennar í Skálarhlíð og Hornbrekku. Varðandi þjónustu fótaaðgerðafræðings við íbúa hjúkrunar- og dvalarheimilisins Hornbrekku þá eru þau mál í ágætis horfi. Í núgildandi kröfulýsingu fyrir hjúkrunarrými og dvalarrými segir að rekstraraðili skuli sjá til þess að íbúum standi til boða hársnyrti- og fótaaðgerðaþjónusta innan veggja heimilisins og íbúar greiða sjálfir fyrir þessa þjónustu.
Í vinnuskjali kemur fram að Edda Lára hafi verið upplýst um að snyrtiaðstöðu í Skálarhlíð sem eru leiguíbúðir fyrir aldraða ætti að breyta í íbúð og hún hvött til þess að leysa aðstöðumál sín. Snyrtiaðstaðan hefur fyrst og fremst nýst inniliggjandi sjúklingum á Heilbrigðisstofnun Norðurlands en takmarkað verið notuð af íbúum Skálarhlíðar.

Bæjarráð samþykkir að fela deildarstjóra félagsmáladeildar að hafa samband við forsvarsmenn Heilbrigðisstofnunar Norðurlands varðandi snyrtiaðstöðu á Siglufirði.