Bæjarráð Fjallabyggðar - 469. fundur - 11. október 2016

Málsnúmer 1610003F

Vakta málsnúmer

Bæjarstjórn Fjallabyggðar - 136. fundur - 12.10.2016

  • .1 1609095 Uppsagnir í Arionbanka í Fjallabyggð
    Bæjarráð Fjallabyggðar - 469. fundur - 11. október 2016 Málinu frestað til næsta fundar bæjarráðs. Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .2 1409045 Rekstrarsamningur Síldarminjasafns Íslands og Fjallabyggðar
    Bæjarráð Fjallabyggðar - 469. fundur - 11. október 2016 Á 466. fundi bæjarráðs Fjallabyggðar, 20. september 2016, var tekið fyrir erindi frá Síldarminjasafni Íslands, dagsett 8. september 2016, vegna endurnýjunar á rekstrarsamningi milli þess og bæjarfélagsins. Óskað var eftir fundi með forsvarsmönnum bæjarfélagsins í byrjun október til þess að fara yfir núverandi samning og ræða endurnýjun hans.
    Bæjarráð samþykkti að verða við erindinu.
    Steinunn María Sveinsdóttir vék af fundi undir þessum dagskrárlið og Hilmar Elefsen mætti í hennar stað.

    Á fund bæjarráðs mættu safnstjóri Síldarminjasafns Íslands ses, Aníta Elefsen og formaður stjórnar Guðmundur Skarphéðinsson og kynntu starfsemi safnsins.

    Bæjarráð þakkar góða kynningu á sögu og starfsemi safnsins.
    Endurnýjun rekstrarsamnings verður til umfjöllunar við gerð fjárhagsáætlunar 2017.     Bókun fundar Steinunn María Sveinsdóttir vék af fundi við afgreiðslu þessa dagskrárliðar.
    Afgreiðsla 469. fundar bæjarráðs staðfest á 136. fundi bæjarstjórnar með 6 atkvæðum.
  • .3 1609017 Breyting á launaáætlun vegna kjarasamninga
    Bæjarráð Fjallabyggðar - 469. fundur - 11. október 2016 Á 468. fundi bæjarráðs, 4. október 2016 var óskað eftir því í tengslum við breytingu á launaáætlun að skólastjóri Grunnskóla Fjallabyggðar og deildarstjóri fjölskyldudeildar kæmu á næsta fund bæjarráðs.

    Á fund bæjarráðs komu skólastjóri Grunnskóla Fjallabyggðar, Jónína Magnúsdóttir og deildarstjóri fjölskyldudeildar, Hjörtur Hjartarson.

    Bæjarráð samþykkir beiðni skólastjóra GF um aukið starfshlutfall við lengda viðveru nemenda. Bæjarfélagið hefur sótt um framlög vegna þessa stöðugildis til Jöfnunarsjóðs sveitarfélaga. Reiknað er með svari síðar á þessu ári.

    Bæjarráð samþykkir að vísa framkominni tillögu að breytingu á launaáætlun til gerðar viðauka við fjárhagsáætlun 2016.     Bókun fundar Bæjarstjórn samþykkir samhljóða með 7 atkvæðum breytingu á launaáætlun.
  • .4 1410044 Samstarf með Dalvíkurbyggð - tónskóli
    Bæjarráð Fjallabyggðar - 469. fundur - 11. október 2016 Lögð fram 1. fundargerð skólanefndar Tónlistarskólans á Tröllaskaga, frá 7. október 2016, sem er í 12 dagskrárliðum.
    Einnig var lagt fram minnisblað deildarstjóra fræðslu- frístunda- og menningarmála, Kristins J. Reimarssonar, dagsett 7. október 2016, um hvatagreiðslur hjá Dalvíkurbyggð og frístundastyrki hjá Fjallabyggð og hvort og þá með hvaða hætti væri hægt að samræma upphæðir.

    Bæjarráð leggur áherslu á að farið sé eftir stofnsamningi aðila um Tónlistarskólann á Tröllaskaga og ítrekar að fjárhagsáætlun skólans þarf samþykki bæjar- og byggðaráðs.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .5 1603055 Staðgreiðsla tímabils 2016
    Bæjarráð Fjallabyggðar - 469. fundur - 11. október 2016 Lagt fram til kynningar yfirlit yfir staðgreiðslu útsvars á tímabilinu 1. janúar til 30. september 2016.
    Innborganir nema kr. 744,2 milljónum sem er 94,5% af tímabilsáætlun, sem gerði ráð fyrir 787,2 milljónum.
    Einnig var lagt fram yfirlit með samanburði við sjö önnur sveitarfélög fyrir sama tímabil.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .6 1605042 Málefni Sigurhæðar ses (safnamál Ólafsfirði)
    Bæjarráð Fjallabyggðar - 469. fundur - 11. október 2016 Á 460. fundi bæjarráðs, 11. ágúst 2016, samþykkti bæjarráð fyrir sitt leyti rekstrarsamning Fjallabyggðar við Sigurhæð ses.

    Stjórn Sigurhæðar ses, nú Fjallasala, hefur komið á framfæri þeirri ósk að ákvæði í rekstrarsamningi um frían aðgang heimamanna verði fellt út.

    Bæjarráð leggst gegn því að ákvæði um frían aðgang heimamanna verði fellt út.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .7 1607037 Síldarævintýri 2016
    Bæjarráð Fjallabyggðar - 469. fundur - 11. október 2016 Lagt fram erindi Atvinnuvega- og nýsköpunarráðuneytisins dagsett 29. september 2016, er varðar innheimtu löggæslukostnaðar vegna bæjarhátíðarinnar Síldarævintýrið á Siglufirði.
    Meðfylgjandi voru umsagnir Sýslumannsins á Norðurlandi eystra og Lögreglustjórans á Norðuralandi eystra vegna málsins.
    Ráðuneytið gefur Fjallabyggð frest til 14. október 2016, til að veita andmæli við umsagnirnar áður en málið verður tekið til úrskurðar.

    Bæjarráð felur bæjarstjóra að svara erindi Atvinnuvega- og nýsköpunarráðuneytinu.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .8 1609039 Auglýsing umsóknar um byggðakvóta fiskveiðiársins 2016/2017
    Bæjarráð Fjallabyggðar - 469. fundur - 11. október 2016 Lagðar fram til kynningar umsóknir Fjallabyggðar til Atvinnuvega- og nýsköpunarráðuneytis, dagsettar 4. október 2016, um byggðakvóta fyrir Siglufjörð og Ólafsfjörð, fiskveiðiárið 2016 - 2017. Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .9 1609008 Heilsueflandi samfélag
    Bæjarráð Fjallabyggðar - 469. fundur - 11. október 2016 Á 31. fundi fræðslu- og frístundanefndar, 5. september 2016, var tekin til umfjöllunar áskorun Ungmenna- og íþróttasambands Fjallabyggðar og samþykkt að leggja til við bæjarstjórn að farið yrði af stað með verkefnið Heilsueflandi samfélag og Fjallabyggð yrði aðili að verkefninu.
    135. fundur bæjarstjórnar, 7. september 2016, samþykkti að vísa tillögunni til umfjöllunar í bæjarráði.

    Lagt fram minnisblað deildarstjóra fræðslu- frístunda- og menningarmála, Kristins J. Reimarssonar, dagsett 5. október 2016.

    Bæjarráð samþykkir að vísa umfjöllun um verkefnið Heilsueflandi samfélag, til gerðar fjárhagsáætlunar fyrir 2017.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .10 1608045 Aðalfundur Eyþings 2016
    Bæjarráð Fjallabyggðar - 469. fundur - 11. október 2016 Lagt fram bréf, dagsett 6. október 2016, um boðun aðalfundar Eyþings 2016, á Þórshöfn 11. og 12. nóvember n.k.
    Meðfylgjandi var dagskrá aðalfundarins, ársreikningur Eyþings 2015, ásamt endurskoðunarskýrslu og listi yfir kjörna fulltrúa sveitarfélaganna á aðalfundinum.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .11 1610008 Stuðningur við Snorraverkefnið 2017
    Bæjarráð Fjallabyggðar - 469. fundur - 11. október 2016 Með bréfi dagsettu 6. október 2016, óskar stjórn Snorrasjóðs eftir stuðningi Fjallabyggðar við framkvæmd Snorraverkefnisins á árinu 2017, en þá mun nítjándi hópur ungmenna af íslenskum ættum á aldrinum 18 - 28 ára koma til Íslands frá Kanada og Bandaríkjunum til að kynnast rótum sínum. Markmið þess er að styrkja tengsl afkomenda Íslendinga í Norður-Ameríku við Ísland og hvetja unga VesturÍslendinga til að varðveita og rækta íslenskan menningar- og þjóðararf sinn. Verkefnið er samstarfsverkefni Þjóðræknisfélags Íslendinga og Norræna félagsins og stendur yfir í 6 vikur, frá 11. júní - 20. júlí 2017.

    Bæjarráð sér sér ekki fært að verða við erindinu.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .12 1610017 Fundir um stefnumótandi stjórnunaráætlanir á Norðurlandi
    Bæjarráð Fjallabyggðar - 469. fundur - 11. október 2016 Markaðsstofa Norðurlands ses, boðar til funda um stefnumótandi stjórnunaráætlanir sem Stjórnstöð ferðamála og Ferðamálastofa halda á Norðurlandi í næstu viku.
    Fundirnir verða haldnir sem hér segir:
    Húsavík, Salka restaurant, mánudaginn 10. október kl. 9:30
    Blönduós, B&S restaurant, Eyvindarstofa, mánudaginn 10. október kl. 16:00
    Akureyri, Hótel Kea, þriðjudaginn 11. október kl. 10:00

    Lagt fram.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .13 1610005 Árleg hlutafjáraukning
    Bæjarráð Fjallabyggðar - 469. fundur - 11. október 2016 Lagt fram erindi Greiðrar leiðar ehf., dagsett 4. október 2016, vegna árlegrar hlutafjáraukningar, í tengslum við Vaðlaheiðargöng hf.

    Bæjarráð samþykkir að nýta sér forkaupsrétt í hlutfalli við hlutafjáreign bæjarfélagins. Forkaupsréttur er kr. 37.531,-.     Bókun fundar Bæjarstjórn samþykkir samhljóða með 7 atkvæðum hlutafjáraukningu í Greiðri leið ehf.
  • .14 1609004 Alþingiskosningar - 2016
    Bæjarráð Fjallabyggðar - 469. fundur - 11. október 2016 Lagðar fram upplýsingar frá Þjóðsskrá Íslands, dagsettar 5. október 2016 um fjölda kjósenda í Fjallabyggð eftir kjördeildum og kyni:

    Í Ólafsfirði:
    335 karlar, 289 konur, samtals 624
    Á Siglufirði:
    511 karlar, 496 konur, samtals 1007

    Samtals í Fjallabyggð
    846 karlar, 785 konur, samtals 1631     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .15 1605055 Flugklasinn Air66N - áfangaskýrsla
    Bæjarráð Fjallabyggðar - 469. fundur - 11. október 2016 Lögð fram til kynningar greinargerð verkefnisstjóra Air 66N, dagsett 30. september 2016, um starf flugklasans Air 66N fyrir tímabilið maí til september 2016.
     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .16 1610010 Aðalgata 19 (Andrésarhús) Siglufirði
    Bæjarráð Fjallabyggðar - 469. fundur - 11. október 2016 Tekið fyrir erindi eigenda að húsinu við Aðalgötu 19 Siglufirði, dagsett 4. október 2016, þar sem kannað er hvort hægt sé að koma til móts við þá í sambandi við fasteignagjöld á meðan á endurbótum stendur yfir.

    Þar sem ekki eru fordæmi fyrir slíkum styrkjum til endurbóta sér bæjarráð sér ekki fært að verða við erindinu.
    Bæjarráð lýsir ánægju sinni með fyrirhugaðar endurbætur á húsinu við Aðalgötu 19.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .17 1610023 Erindi, tillögur og/eða ábendingar v. fjárhagsáætlun 2017
    Bæjarráð Fjallabyggðar - 469. fundur - 11. október 2016 Lagt fram erindi Önnu Hermínu Gunnarsdóttur, móttekið 3. október 2016, er snýr að íþróttamiðstöð Fjallabyggðar á Siglufirði.
    Um er að ræða ábendingu er varðar uppsetningu á kaldavatnskeri, lagfæringu á þaki íþróttahússins og loftræsikerfinu.
    Einnig er lögð fram fyrirspurn um hvenær farið verði í endurbætur á íþróttamiðstöðinni og að bráðabirgðatengigangur verði fjarlægður.

    Bæjarráð samþykkir að fela deildarstjóra fræðslu- frístunda- og menningarmála að kanna kostnað við uppsetningu og staðsetningu kaldavatnskara.
    Bæjarráð samþykkir að vísa erindinu til umfjöllunar við gerðar fjárhagsáætlunar 2017.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .18 1610004 Form og efni viðauka við fjárhagsáætlun
    Bæjarráð Fjallabyggðar - 469. fundur - 11. október 2016 Lagt fram til kynningar erindi Innanríkisráðuneytis, dagsett 3. október 2016, um form og efni viðauka við fjárhagsáætlun sveitarfélaga. Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .19 1610007 Hækkun mótframlags launagreiðenda í A deild Brúar lífeyrissjóðs
    Bæjarráð Fjallabyggðar - 469. fundur - 11. október 2016 Lagt fram til kynningar erindi frá lífeyrissjóðnum Brú, dagsett 3. október 2016, um fyrirhugaða hækkun mótframlags launagreiðanda úr 12% í 16,8% í A deild lífeyrissjóðsins um næstu áramót.

    Bæjarráð óskar eftir umsögn bæjarstjóra um málið.     Bókun fundar Til máls tók Gunnar I. Birgisson.
    Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .20 1610011 Breytingar á grunnskólalögum
    Bæjarráð Fjallabyggðar - 469. fundur - 11. október 2016 Í erindi Menntamálaráðuneytisins, dagsett 28. september 2016, er vakin athygli á breytingum á lögum um grunnskóla nr. 91/2008, sem samþykktar voru á Alþingi í lok síðasta þings í vor.
    Í ráðuneytinu er unnið að nauðsynlegum breytingum á reglugerðum og setningu viðmiða í samræmi við framangreindar lagabreytingar og verða drög kynnt skólasamfélaginu fljótlega skv. hefðbundnu verklagi.

    Bæjarráð samþykkir að vísa málinu til kynningar í fræsðlu- og frístundanefnd.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .21 1610012 Kóðinn 1.0 og smátölvan Microbit
    Bæjarráð Fjallabyggðar - 469. fundur - 11. október 2016 Í erindi Mennta- og menningarmálaráðuneytisins, dagsett 6. október 2016, er kynnt verkefnið Kóðinn 1.0 sem unnið er í samstarfi við Samtök iðnaðarins, Ríkisútvarpsins og Menntamálastofnunar.
    Ráðuneytið hvetur grunnskóla til að nýta tækifærðið og dreifa smátölvunni Micro:bit til allra nemenda sinna í sjötta og sjöunda bekk, sem þau geta fengið til eignar.

    Bæjarráð fagnar framtakinu og felur deildarstjóra fræðslu- frístunda- og menningarmála að fylgja málinu eftir.     Bókun fundar Afgreiðsla 469. fundar bæjarráðs staðfest á 136. fundi bæjarstjórnar með 7 atkvæðum.
  • .22 1610013 Erindi Jóhanns Jóhannssonar vegna uppsagna hjá Ramma hf og Fiskmarkaði Siglufjarðar ehf.
    Bæjarráð Fjallabyggðar - 469. fundur - 11. október 2016 S. Guðrún Hauksdóttir vék af fundi undir þessum dagskrárlið.
    Lagt fram erindi frá Jóhanni Jóhannssyni, dagsett 5. október 2016, þar sem því er velt fyrir sér hvort ekki sé mikilvægt að boða fund með fyritækjunum Ramma hf og Fiskmarkaði Siglufjarðar ehf vegna uppsagna hjá þessum fyrirtækjum.

    Bæjarráð samþykkir að fela bæjarstjóra að veita umsögn um málið.     Bókun fundar S. Guðrún Hauksdóttir vék af fundi undir afgreiðslu þessa dagskrárliðar.
    Afgreiðsla 469. fundar bæjarráðs staðfest á 136. fundi bæjarstjórnar með 6 atkvæðum.