Frístundanefnd Fjallabyggðar - 58. fundur - 1. nóvember 2012

Á fundinn komu Kristján Hauksson og Sigurpáll Gunnarsson fyrir hönd Skíðafélags Ólafsfjarðar og fóru yfir stöðuna varðandi rekstur skíðasvæðis fyrir árið 2013. Fjárhagsramminn fyrir árið 2013 var samþykktur með 3 atkvæðum. Róbert Haraldsson sat hjá en Ólafur Kárason var á móti og lagði fram eftirfarandi bókun.
"Ég undirritaður nefndarmaður í frístundanefnd get ekki stutt tillögu um niðurskurð á framlögum til æskulýðs- og íþróttamála sem eingöngu teljast í því að skerða þjónustu við bæjarbúa. Hugmynd um að ná niður kostnaði við málaflokkinn með því að skera niður í yfirstjórn og hagræða í rekstri skíðasvæða í Fjallabyggð hefur verið ýtt út af borðinu. Því sé ég mér ekki fært að samþykkja fjárhagsrammann fyrir árið 2013".