Menningarnefnd Fjallabyggðar - 58. fundur - 23. október 2012

Rósa Bjarnadóttir forstöðumaður Bóka- og héraðsskjalasafns Fjallabyggðar sat undir þessum lið frá kl. 17.00-17.50. Farið yfir fjárhagsáætlun bóka- og héraðsskjalasafns.
Menningarnefnd leggur til að árgjald fullorðinna 18-66 ára verði kr. 2000 og skammtímakort sem gildir í einn mánuð kr. 1000 sem tekur gildi 1. janúar 2013.

 

Menningarnefnd telur að framtíðarstaður fyrir upplýsingamiðstöðina á Siglufirði verði í bókasafninu og beinir því til bæjarráðs að gera ráð fyrir því við gerð fjárhagsáætlunarinnar.

 

Eftir yfirferð menningarnefndar við fjárhagsáætlunargerð og að beiðni bæjarráðs hefur menningarnefnd hagrætt í málaflokknum er varðar menningarstyrki sem nemur 2 milljónum króna.