Milliuppgjör fyrstu 5 mánuði ársins

Lagður fram árshlutareikningur Fjallabyggðar miðað við 31. maí 2010. 

Helstu forsendur í árshlutareikningnum eru eftirfarandi:
Fasteignaskattur og Jöfnunarsjóður eru hlutfallaðir 5/12.
Staðgreiðsla er miðuð við lok júní.
Aðrar tekjur eru miðaðar við 31. maí.
Styrkir eru færðir samkvæmt greiðslustöðu þeirra.
Eigin fasteignagjöld eru færð til gjalda 5/12.
Áfallið orlof er fært upp miðað við 31. maí.
Áfallnir vextir eru færðir miðað við 31. maí.
Áfallnar verðbætur langtímakrafna og skulda eru færðar.
Eignfærslur eru færðar og afskriftir einnig hlutfallslega.
Lífeyrisskuldbinding er áætluð miðað við breytingu á vísitölu lífeyrisskuldbindinga ásamt 5/12 af 2% vegna tilfærslu í tíma.
Bankareikningar eru afstemmdir og áætlaðir vextir færðir vegna helstu reikninga.
Niðurfærsla krafna er talin vera nægjanleg.
Afborganir langtímaliða er sett fram í árshlutareikningnum sem það sem fellur til greiðslu til ársloka.
Fram kemur í árshlutareikningi að tekjur eru heldur minni en gert var ráð fyrir.
Bæjarráð óskar eftir því að tekið verði saman yfirlit yfir stöðu fjárfestinga- og framkvæmdaliða miðað við áætlun, eins og hún er í dag.