Fréttir

Hinn árlegi sápubolti fer fram í Ólafsfirði um helgina. Metnaðarfull fjölskylduskemmtun og dagskráin er hin glæsilegasta.

Frjó menningarhelgi á Siglufirði dagana 13. - 16. júlí 2023

Byggðastofnun leitar nú að drífandi einstaklingi með brennandi áhuga á loftslagsmálum til starfa við tveggja ára samstarfsverkefni umhverfis-, orku- og loftslagsráðuneytis, Byggðastofnunar, Veðurstofu Íslands og Skipulagsstofnunar. Um er að ræða 100% starfshlutfall til tveggja ára.

Margt er um manninn á tjaldsvæðinu á Siglufirði þessa sólríku og blíðu daga. Tjaldsvæðið er staðsett í miðbænum við torgið og smábátabryggjuna og öll þjónusta, afþreying og söfn eru í 5-10 mínútna göngufæri. Stutt er á skólalóðina í leiktækin og hoppubelgur rétt handan við torgið.

Olga Gísladóttir lætur af störfum skólastjóra Leikskóla Fjallabyggðar um næstu mánaðarmót. Olga hefur ötullega sinnt menntun leikskólabarna í 39 ár, fyrst í Leikskóla Ólafsfjarðar og síðar Leikskóla Fjallabyggðar eða frá árinu 2010.

Á kortavef Fjallabyggðar er nú hægt að sjá þær lóðir sem lausar eru til umsóknar. Fjallabyggð fellir sömuleiðis niður öll gatnagerðargjöld til ársloka 2024.

Fyrstu gjörningadagarnir ganga vel og hafa farið fallega fram. Veðrið leikur við listamennina og er hamingjan svo sannarlega með hópnum í för. Ferðin hófst sl. fimmtudag á tveimur 9 manna bílum sem Bílaleiga Akureyrar var svo frábær að gefa vænan afslátt á og styrkja þannig ferðina. Á öllum áfangastöðum er tekið vel á móti gjörningalistafólkinu.

Sólstöðuganga upp á Múlakollu Ferðafélagið Trölli fer fyrir Sólstöðugöngu á Múlakollu í Ólafsfirði í dag 22. júní og hefst gangan kl. 21:00. Gert er ráð fyrir að vera á toppnum á miðnætti og njóta sólarinnar.

Alla Sigga og föruneyti eru lögð af stað með verkefnið 60 gjörningar á 6 dögum. Frá deginum í dag til 27. júní nk. mun Aðalheiður S. Eysteinsdóttir fara hringferð um landið með 60 gjörninga í tilefni af sextugs afmæli sínu. Með í för verður úrval listafólks víða að sem bæði sér um sína eigin gjörninga og tekur þátt í gjörningum Aðalheiðar.