Fréttir

Jarðgöng á milli Siglufjarðar og Ólafsfjarðar, annars vegar, og á milli Fáskrúðsfjarðar og Reyðarfjarðar, hins vegar, verða ekki boðin út samtímis eins og til stóð. Útboðsgögn vegna Fáskrúðsfjarðarganga verða send til valdra verktaka í næstu viku en Tröllaskagagöng verða boðin út í febrúar.Fréttastofa Útvarps hafði eftir Sigríði Ingvarsdóttur, þingmanni Sjálfstæðisflokksins en hún á sæti í samgöngunefnd Alþingis, að Vegagerðin þurfi að afla frekari gagna um snjóflóð í Héðinsfirði áður en hægt verður að bjóða Tröllaskagajarðgöngin út. Gert er ráð fyrir að vinna við jarðgöng á milli Reyðarfjarðar og Fáskrúðsfjarðar hefjist í apríllok árið 2003 og áætlað að gangagröfturinn taki eitt og hálft ár. Heildarkostnaður er áætlaður um 3,8 milljarðar króna og göngin eiga að vera tilbúin til notkunar á seinni hluta ársins 2005. Gerð Tröllaskagajarðganga á að hefjast 2004 og göngin eiga að verða tilbúin 2008. Gert er ráð fyrir að heildarkostnaður við þau verði um 6,8 milljarðar króna. Frétt á local.is

Til að stuðla að því að bærinn verði fallegar skreyttur jólaljósum hefur Tækni - og umhverfisnefnd Siglufjarðar undanfarin ár veitt viðurkenningar til fyrirtækja og einstaklinga fyrir jólaskreytingar sem setja svip á bæinn.Fyrirtæki og einstaklingar eru hvött að setja upp jólaskreytingar á hús sín tímanlega fyrir jól og stytta svartasta skammdegið. Síðustu daga fyrir jól verða valin þau fyrirtæki og hús sem skarta fallegum og skemmtilegum jólaskreytingum og veitt viðurkenning.Setjum svip á bæinn með fallegum jólaskreytingum.

Bæjaryfirvöld á Siglufirði hafa sent frá sér eftirfarandi yfirlýsingu:Samgönguráðuneytið hefur kynnt ákvörðun um útboð vegna jarðgangagerðar á austur og norðurlandi í vetur og framkvæmdaáætlun verkanna. Bæjaryfirvöld á Siglufirði fagna því heilshugar að nú liggi fyrir endanleg ákvörðun ríkisstjórnar og ráðuneytis um útboð jarðganga um Héðinsfjörð milli Siglufjarðar og Ólafsfjarðar í febrúar 2003 og í framhaldi af því framkvæmdir við verkið. Er mikilsvert að með þeirri tilhögun sem ákveðin hefur verið helst sú hagkvæmni af samlegðaráhrifum beggja verkefnanna sem gert var ráð fyrir með sameiginlegu útboði. Það hlýtur ávallt að vera fagnaðarefni þegar skynsamlegar ákvarðanir eru teknar í samgöngumálum þjóðarinnar en áætluð þjóðhagsleg arðsemi af byggingu jarðganga um Héðinsfjörð er um 14,5% samkvæmt skýrslu Vegagerðarinnar um umhverfismat framkvæmda. Siglufirði 12. desember 2002Guðmundur Guðlaugssonbæjarstjóri

Jarðgöng á milli Siglufjarðar og Ólafsfjarðar, annars vegar, og á milli Fáskrúðsfjarðar og Reyðarfjarðar, hins vegar, verða ekki boðin út samtímis eins og til stóð. Útboðsgögn vegna Fáskrúðsfjarðarganga verða send til valdra verktaka í næstu viku en Tröllaskagagöng verða boðin út í febrúar.Fréttastofa Útvarps hafði eftir Sigríði Ingvarsdóttur, þingmanni Sjálfstæðisflokksins en hún á sæti í samgöngunefnd Alþingis, að Vegagerðin þurfi að afla frekari gagna um snjóflóð í Héðinsfirði áður en hægt verður að bjóða Tröllaskagajarðgöngin út. Gert er ráð fyrir að vinna við jarðgöng á milli Reyðarfjarðar og Fáskrúðsfjarðar hefjist í apríllok árið 2003 og áætlað að gangagröfturinn taki eitt og hálft ár. Heildarkostnaður er áætlaður um 3,8 milljarðar króna og göngin eiga að vera tilbúin til notkunar á seinni hluta ársins 2005. Gerð Tröllaskagajarðganga á að hefjast 2004 og göngin eiga að verða tilbúin 2008. Gert er ráð fyrir að heildarkostnaður við þau verði um 6,8 milljarðar króna. Frétt á local.is

Til að stuðla að því að bærinn verði fallegar skreyttur jólaljósum hefur Tækni - og umhverfisnefnd Siglufjarðar undanfarin ár veitt viðurkenningar til fyrirtækja og einstaklinga fyrir jólaskreytingar sem setja svip á bæinn.Fyrirtæki og einstaklingar eru hvött að setja upp jólaskreytingar á hús sín tímanlega fyrir jól og stytta svartasta skammdegið. Síðustu daga fyrir jól verða valin þau fyrirtæki og hús sem skarta fallegum og skemmtilegum jólaskreytingum og veitt viðurkenning.Setjum svip á bæinn með fallegum jólaskreytingum.

Bæjaryfirvöld á Siglufirði hafa sent frá sér eftirfarandi yfirlýsingu:Samgönguráðuneytið hefur kynnt ákvörðun um útboð vegna jarðgangagerðar á austur og norðurlandi í vetur og framkvæmdaáætlun verkanna. Bæjaryfirvöld á Siglufirði fagna því heilshugar að nú liggi fyrir endanleg ákvörðun ríkisstjórnar og ráðuneytis um útboð jarðganga um Héðinsfjörð milli Siglufjarðar og Ólafsfjarðar í febrúar 2003 og í framhaldi af því framkvæmdir við verkið. Er mikilsvert að með þeirri tilhögun sem ákveðin hefur verið helst sú hagkvæmni af samlegðaráhrifum beggja verkefnanna sem gert var ráð fyrir með sameiginlegu útboði. Það hlýtur ávallt að vera fagnaðarefni þegar skynsamlegar ákvarðanir eru teknar í samgöngumálum þjóðarinnar en áætluð þjóðhagsleg arðsemi af byggingu jarðganga um Héðinsfjörð er um 14,5% samkvæmt skýrslu Vegagerðarinnar um umhverfismat framkvæmda. Siglufirði 12. desember 2002Guðmundur Guðlaugssonbæjarstjóri

Íslensk-grænlenska verksmiðjuskipið Polar Siglir GR-650 kom í morgun til Siglufjarðar með um 200 tonn af fiski og 300 tonn af mjöli en veiðiferðin hafði staðið í rúman mánuð. Eins og í fyrra verður skipinu nú lagt við bryggju á Siglufirði og verða landfestar ekki leystar fyrr en í byrjun mars á næsta ári.Polar Siglir er skráð í Nuuk á Grænlandi, og er í eigu Grænlendinga og Íslendinga, en um 40 manns eru í áhöfn. Skipið stundar úthafsveiðar og er uppistaða aflans karfi og grálúða.Frétt á local.is

Íslensk-grænlenska verksmiðjuskipið Polar Siglir GR-650 kom í morgun til Siglufjarðar með um 200 tonn af fiski og 300 tonn af mjöli en veiðiferðin hafði staðið í rúman mánuð. Eins og í fyrra verður skipinu nú lagt við bryggju á Siglufirði og verða landfestar ekki leystar fyrr en í byrjun mars á næsta ári.Polar Siglir er skráð í Nuuk á Grænlandi, og er í eigu Grænlendinga og Íslendinga, en um 40 manns eru í áhöfn. Skipið stundar úthafsveiðar og er uppistaða aflans karfi og grálúða.Frétt á local.is

3. flokkur karla, 3. flokkur kvenna og 4. flokkur kvenna tóku þátt í Íslandsmóti innanhúss, Norðurlandsriðlum, nú um helgina og var árangurinn góður. Á Siglufirði fór fram Norðurlandsriðill hjá 3. flokki karla og náðu strákarnir mjög góðum árangri. KS spilaði í riðli með KA, Völsungi og Tindastóli og unnu okkar menn alla sína leiki í riðlinum mjög sannfærandi. Úrslit leikja KS voru eftirfarandi: KS - Tindastóll 3-1 KS - KA 6-3 KS - Völsungur 8-2 KS spilaði svo til úrslita við Þór sem sigraði í hinum riðlinum en Þór vann úrslitaleikinn 3-2 eftir að okkar menn höfðu sótt mjög að marki þeirra. Árangurinn engu að síður mjög góður og sérstaklega ánægjulegur í ljósi þess að nær allir strákarnir eru á yngra ári í flokknum. Á Akureyri spilaði 4 flokkur kvenna í Norðurlandsriðli og var árangur þeirra einnig mjög góður. Stelpurnar voru reyndar óheppnar í þremur fyrstu leikjunum sem enduðu með jafntefli en í tveimur af þeim leikjum jöfnuðu mótherjarnir á síðustu sekúndum leiksins. Úrslit leikja KS urðu þessi: KS - KA 1-1 KS - Þór 4-4 KS - Tindastóll 0-0 KS - Hvöt 12-0 KS - Völsungur 2-3 KS - Leiftur 7-0 Mjög góður árangur og ef heppnin hefði verið okkar megin hefðu stelpurnar orðið enn ofan en þær höfnuðu 4 sæti. Á Húsavík fór fram Íslandsmót, Norðurlandsriðill, hjá 3. flokki kvenna. Okkar stelpur unnu þar 3 leiki og töpuðu tveimur. Úrslitin voru eftirfarandi: KS - Hvöt 3-2 KS - Þór 0-3 KS - Leiftur 3-2 KS - Völsungur 7-1 KS - KA 1-5 3. sætið var niðurstaðan og er það fínn árangur hjá stelpunum. Öll úrslit mótanna má sjá á heimasíðu KSÍ, www.ksi.is. Úrslitin í mótum helgarinnar sýna svo ekki verður um villst að yngri flokkarnir eru á réttri leið og aukin þjálfun er að skila sér í góðum árangri.

Um klukkan 12:30 í dag barst björgunarsveitinni á Siglufirði beiðni um aðstoð frá 11 tonna trébáti, Hafborgu, en leki var kominn að bátnum. Sigurvin, björgunarskip Slysavarnafélagsins Landsbjargar, hélt þegar til móts við Hafborgu og fylgdi bátnum inn til Siglufjarðar. Einn maður var um borð í Hafborgu.Í samtali við local.is sagði Sveinn Björnsson, formaður björgunarsveitarinnar á Siglufirði, að Hafborg hafi verið stödd um 3 sjómílur norður af Siglufirði og því var siglingin fyrir Sigurvin, frá bryggju á Siglufirði, um sjö sjómílur. Þegar Sigurvin kom að Hafborgu var vél bátsins enn í gangi, þó hún væri hálf í sjó, en dæla um borð hafði ekki undan. Sigurvin, sem er með öfluga dælu, náði að dæla sjónum úr Hafborgu og fylgdi svo bátnum inn til Siglufjarðar en á leiðinni til hafnar þurfti að dæla aftur úr bátnum. Að sögn Sveins var það laskaður loki í inntaksröri að vél sem olli lekanum en þar sem sjómaðurinn um borð í Hafborgu brást rétt við skapaðist ekki veruleg hætta. Mjög gott var í sjóinn; logn og spegilsléttur sjór.Frétt á local.is