Fréttir

Fréttatilkynning

Ágætu íbúar Fjallbyggðar.Tíminn líður hratt þegar mikið er að gera og stundum finnst manni eins og hlutirnir hafi gerst í gær sem gerðust fyrir löngu. Þannig er það þessa dagana.Þjóðlagahátíð á Siglufirði, Blues-hátíð á Ólafsfirði, Nikulásarmót um næstu helgi á Ólafsfirði, Síldarævintýrið á Siglufirði um verslunarmannahelgina, Pæjumótið á Siglufirði 11.-13. ágúst og Berjadagar á Ólafsfirði 18.-20. ágúst. Njótið lífsins í sumar!Það sem er á döfinni hjá okkur í bæjarmálunum. Auglýst var eftir bæjarstjóra og nú er liðinn umsóknarfrestur (2.júlí) um stöðuna.Umsækjendur voru: Nr. Nafn Núverandi starf / síðasta starf1 Arinbjörn Kúld Stjórnunarfræðingur2 Guðmundur Rúnar Svavarsson Framkvæmdastjóri og rekstrarráðgjafi 3 Jón Hrói Finnsson Viðskiptaráðgjafi 4 Jón Ingi Sigvaldason Ráðgjafi 5 Ólafur Jakobsson Tæknifræðingur 6 Róbert T. Árnason Sjálfstætt starfandi ráðgjafi 7 Róbert Örvar Ferdinandsson Kennari og verkefnastjóri8 Runólfur Birgisson Bæjarstjóri 9 Þórir Hákonarson Skrifstofustjóri10 Þórir Kr. Þórisson Deildarstjóri Vonandi verður hægt að ráða bæjarstjóra mjög fljótlega.Bæjarráð var kosið á fyrsta fundi bæjarstjórnar og í því eru: Jónína Magnúsdóttir formaður, Hermann Einarsson varaformaður og Jóna Vilhelmína Héðinsdóttir. Forseti bæjarstjórnar var kosinn Þorsteinn Ásgeirsson og gegnir hann störfum bæjarstjóra þar til nýr bæjarstjóri tekur til starfa. Bæjarstjórnarfundur verður haldinn þriðjudaginn 11. júlí n.k. á Siglufirði.Þar verður endanlega gengið frá nefndarskipan og upp úr því fer nefndarstarf á fullt.Við vorum að bíða eftir að fá nýjar samþykktir fyrir Fjallabyggð til baka frá Félagsmálaráðuneytinu og nú eru þær komnar svo seinni umræða getur farið fram til þess að samþykkja samþykktirnar.Bæjarráðsfundargerðir eru komnar á vefina.Framkvæmdir eru í fullum gangi samkvæmt fjárhagsáætlun ársins og eru ekki fyrirhugaðar stórvægilegar breytingar á henni, en þó kemur alltaf eitthvað upp á sem verður að taka fyrir og leysa.Ef einhverjir telja sig þurfa upplýsinga við eða vantar úrlausn einhverra mála sem snerta bæjarfélagið þá endilega hafið samband við undirritaðan í símum: 460-2600 eða gsm: 8927093 eða sendið tölvupóst á: steini@olf.is Sumarkveðjur Þorsteinn Ásgeirsson forseti bæjarstjórnar
Lesa meira

Bæjarstjórn Fjallabyggðar

1. fundur bæjarstjórnarverður haldinn í Húsi félags eldri borgara í Ólafsfirði þriðjudaginn 13. júní 2006 kl. 17.00.Dagskrá1. Úrslit bæjarstjórnarkosninga í Fjallabyggð 27.05. 20062. Samþykktir um stjórn og fundarsköp fyrir Fjallabyggð fyrri umræða.3. Kynntur samstarfssamningur B- og D-lista kjörtímabilið 2006-2010.4. Kosningar í trúnaðarstöður samkvæmt samþykktum. ( sjá lið 2)a) Kjör forseta bæjarstjórnarb) Kjör 1. varaforseta bæjarstjórnarc) Kjör 2. varaforseta bæjarstjórnard) Kosning í bæjarráð og formaður bæjarráðs kjörinne) Kosning tveggja skrifara og tveggja til vara.f) Kosningu í aðrar nefndir og ráð frestað til næsta fundar bæjarstjórnar5. önnur mál.
Lesa meira

Bæjarstjórnarfundur

Bæjarstjórnarfundur verður haldinn fimmtudaginn 8. júní 2006 í fundarsal bæjarstjórnar Siglufjarðar kl. 16:15Tilkynnt dagskrá :1. Fundargerðir bæjarráðs 26/5.2. Fundargerð tækni- og umhverfisnefndar 23/5.Siglufirði 6.júní 2006Runólfur BirgissonBæjarstjóri
Lesa meira

Afleysingastarf á bæjarskrifstofu

Siglufjarðarkaupstaður auglýsir laust starf á bæjarskrifstofu í sumar. Um er að ræða tímabundna afleysingu vegna sumarleyfa. Viðkomandi er ætlað að starfa við afgreiðslu, launaútreikninga, aðstoð við færslu bókhalds og annað er til fellur í starfsemi bæjarskrifstofu. Umsækjendum er bent á að skila upplýsingum um menntun og reynslu á bæjarskrifstofu og er umsóknarfrestur til 6. júní n.k. Allar nánari upplýsingar gefur skrifstofustjóri í síma 460-5600.
Lesa meira

Velheppnuð afmælishátíð 6. maí

Hátíðarhöld Tónlistarskóla Siglufjarðar í tilefni 30 ára starfsafmælisins, tókust í alla staði mjög vel. Þau hófust í sól og sumarblíðu með skemmtun á Torginu kl. 16.00.Þar lék blásarasveit á vegum skólans sem skipuð er núverandi og fyrrverandi nemendum, létt sumarlög. Síðan léku nemendur á hin ýmsu hljóðfæri og einnig sungu þeir fyrir viðstadda. Þá sungu einnig Kvenna – og Karlakórinn. Fjölmennt var og hátíðarstemning.Kl. 17.00 færðist dagskráin inn í Tónlistarskólann, skólastjóri flutti stutt ávarp í tilefni afmælisins og síðan héldu nemendur áfram tónlistarflutningi á meðan gestir gæddu sér á glæsilegri afmælistertu og fleiru góðgæti frá meisturunum í Aðalbakaríi. Skólanum bárust góðar kveðjur og blóm í tilefni dagsins og einnig rausnarleg peningagjöf frá Bæjarstjórn Siglufjarðar til kaupa á hljóðfærum.Fullt var út úr dyrum í skólanum en fólk lét það ekki á sig fá, heldur gaf sér tíma til að skoða húsnæðið og njóta veitinganna.Ítrekaðar eru þakkir til þeirra fjölmörgu sem áttu þátt í að gera daginn eftirminnilegan.Skólastjóri
Lesa meira

Kjörfundur

Kjörfundurvegna kosninga til bæjarstjórnar 2006hefst laugardaginn 27. maí n.k. kl. 10:00 árdegis og skal kjörfundi lokið eigi síðar en kl. 22:00 sama dag.Kosið er í tveimur kjördeildum.Kjördeild fyrir kjósendur með lögheimili á Siglufirði er í Ráðhúsinu, 2. hæð.Kjördeild fyrir kjósendur með lögheimili í Ólafsfirði er í Grunnskóla Ólafsfjarðar (gagnfræðaskólanum).Kjósendur skulu sýna persónuskilríki við kjörborðið, sé þess krafist.Yfirkjörstjórnin í sameinuðu sveitarfélagi Ólafsfjarðar og Siglufjarðar,6. maí 2006.
Lesa meira

Ársreikningur 2005 afgreiddur í fyrri umræðu.

Ársreikningur Siglufjarðarkaupstaðar fyrir árið 2005 var afgreiddur í fyrri umræðu í bæjarstjórn og vísað til síðari umræðu. Rekstrarniðurstaða A og B hluta bæjarsjóðs var jákvæð um rúmar 14 milljónir króna sem er um 30 milljónum króna betri niðurstaða en gert var ráð fyrir. Fjárhagsáætlun gerði ráð fyrir 16,5 milljóna króna halla. Engin lán voru tekin á árinu 2005 og hafa skuldir lækkað verulega þrátt fyrir framkvæmdir fyrir um 53 milljónir króna.Í niðurstöðu reikninga hafa lífeyrisskuldbindingar verið uppreiknaðar og gjaldfærast um 29 milljónir króna vegna þessa.Nánar um niðurstöðu reikninga þegar þeir hafa verði afgreiddir í bæjarstjórn.
Lesa meira

Staðardagskrá 21

Með hvaða hætti getum við íbúar Siglufjarðar nýtt okkur auðlindir bæjarfélagsins án þess að spilla afkomumöguleikum komandi kynslóða?Staðardagskrá 21 er stefnumótun í samræmi við viðamikla áætlun um sjálfbæra þróun sem gerð var á heimsráðstefnu Sameinuðu þjóðanna 1992. Hugtakið sjálfbær þróun felur í sér umhyggju fyrir velferð komandi kynslóða. Undanfarið hefur vinnuhópur unnið að gerð Staðardagskrár fyrir Siglufjörð og er hægt að nálgast þau drög að klikka á Staðardagskrámerkið hér til hliðar. Staðardagskrá 21 er ekki einkamál sveitarstjórnar eða ákveðinna nefnda. Allir íbúar eiga að hafa tækifæri til að koma sjónarmiðum sínum á framfæri.Athugasemdum er hægt að koma á framfæri með því að senda tölvupóst á arnar@siglo.is eða senda bréf til Arnars H. Jónssonar umhverfis- og garðyrkjustjóra Gránugötu 24, 580 Siglufjörður.Í hvaða verkefni á að ráðast? Hvað er vel gert og hvað ekki? Hvernig viltu að bæjarfélagið þitt verði árið 2020?Sendu okkur línu og legðu þannig þitt af mörkum til að skapa spennandi framtíðarsýn fyrir Siglufjörð. Til að fá frekari upplýsingar eða til að koma ábendingum á framfæri er bent á að hafa samband við Arnar Heimir Jónsson í síma 695-3113.
Lesa meira

Auglýsing vegna kosninga til sveitarstjórna.

Framboðsfrestur vegna sveitarstjórnakosninganna 27. maí 2006 rennur út kl. 12.00 á hádegi laugardaginn 6. maí 2006.Yfirkjörstjórn í sameinuðu sveitarfélagi Ólafsfjarðar og Siglufjarðar verður með aðsetur á bæjarskrifstofunni á Siglufirði, Gránugötu 24., 2. hæð. Þar mun hún taka á móti framboðum á milli kl. 10.00 og 12.00 á hádegi laugardaginn 6. maí 2006.Yfirkjörstjórn í sameinuðu sveitarfélagi Ólafsfjarðar og Siglufjarðar25. apríl 2006. Guðgeir Eyjólfsson formaðurArndís FriðriksdóttirÁmundi Gunnarsson
Lesa meira

Síldarminjasafn Íslands

Á páskadag var stofnuð sjálfseignarstofnunin Síldarminjasafn Íslands. Stofnendur eru Félag áhugamanna um minjasafn og Siglufjarðarkaupstaður. Stofnframlög hvors aðila fyrir sig eru húseignir, lóðir og allir munir þeir sem fram að þessu hafa myndað Síldarminjasafnið. Tilgangurinn með með þessari breytingu er að einfalda eignarhald og rekstur, enn fremur að skerpa og styrkja stöðu safnsins á landsvísu. Í samræmi við það var nafninu breytt úr Síldarminjasafnið á Siglufirði í Síldarminjasafn Íslands ses. Þjóðminjasafnið skipar nú fulltrúa í stjórn safnsins og er það Margrét Hallgrímsdóttir, þjóðminjavörður. Auk hennar voru kjörnir í þriggja manna stjórn, Runólfur Birgisson, bæjarstjóri og Hafþór Rósmundsson formaður Fáum. Varamenn eru Ólafur Kárason, formaður bæjarráðs, Hinrik Aðalsteinsson, ritari Fáum og Ágúst Georgsson frá Þjóðminjasafninu. Þá var Örlygur Kristfinnsson ráðinn forstöðumaður Síldarminjasafnsins.
Lesa meira