Fréttir

Verkefnisstjóri framhaldsskólans í Ólafsfirði verður í Fjallabyggð þriðjudaginn 12. ágúst eftir hádegi og miðvikudaginn 13. ágúst eftir hádegi. Hann hefur áhuga á að ræða við aðila úr atvinnulífinu til að kanna hugmyndina um vinnustaðanám. Áhugasamir hafið samband við Karítas á karitas@fjallabyggð.is eða í síma 464-9208 eða 898-8981.

Búið er að setja ný myndasöfn inn á vef Fjallabyggðar. Söfnin sem nú hafa verið sett inn eru með myndum af viðburðum sumarsins. Myndirnar eru teknar af Helgu Kvam og Völundi Jónssyni.

Tvíeykið Aurora Borealis heldur tónleika í Þjóðlagasetrinu á Siglufirði föstudaginn 8. ágúst kl. 20.00. Þar syngja og leika saman Margrét Hrafnsdóttir sópran og Ólöf Sigurvinsdóttir sellóleikari.

Pæjumótið byrjaði í dag. Fyrstu leikirnir hófust á hádegi. Að sögn mótshaldara hefur undirbúningur gengið mjög vel og reiknað er með að í bæinn komi á milli þrjú og fjögurþúsund gestir vegna keppninnar  

Sunnudaginn 10. ágúst kl. 16:00 mun brúðubíllinn sýna á planinu við Tjarnarborg. Það kostar ekkert að koma og sjá og eru sem flestir hvattir til að mæta.

Á Laugardaginn opnaði Kristján Möller, samgönguráðherra, nýjan örnefnavef í Síldarminjasafninu á Siglufirði. Á vefnum er að finna safn örnefna frá ysta hluta Tröllaskaga, það er Hvanndölum, Héðinsfirði, Siglunesi, Siglufirði og Úlfsdölum, sem Helgi Guðmundsson, ættfræðingur, tók saman á fyrri hluta tuttugustu aldar. Slóð vefsíðunnar er http://snokur.is/

Fjallabyggð óskar eftir tilboðum í rekstur skíða- og knattspyrnusvæða á Siglufirði. Útboðsgögn verða afhent á bæjarskrifstofunum á Siglufirði og Ólafsfirði frá og með þriðjudeginum 5. ágúst. Tilboðum skal skila á bæjarskrifstofuna á Siglufirði fyrir kl. 14:00 mánudaginn 25. ágúst 2008, en þá verða þau opnuð í viðurvist þeirra bjóðenda sem þess óska.

Hver á Héðinsfjarðargangavatnið? Stefán Erlendsson, lögfræðingur hjá Vegagerðinni, segir ekki sjálfgefið að vatn í Héðinsfjarðargöngum, sem sveitarfélagið Fjallabyggð hyggst nýta, sé eign sveitafélagsins eða annarra sem landið eiga. Tveir nýlegir hæstaréttardómar sýni að eignarréttur á auðlindum í jörðu sé ekki alltaf landeigenda.