Fréttir

Á fundi Markaðs- og menningarnefndar Fjallabyggðar þann 17. mars var tekið fyrir erindi Þórðar Guðmundssonar og Elísar Hólms Þórðarsonar f.h. óstofnaðs einkahlutafélags, dagsett 13. febrúar 2014. Óskað er eftir leyfi Fjallabyggðar til að ferja fólk upp á fjöll sem eru í eigu sveitarfélagsins, með sérútbúnum snjótroðara, til útsýnis- og skíðaferða. 

Á laugardaginn voru sýndar þrjár franskar kvikmyndir í Fjallabyggð sem hluti af Franskri kvikmyndahátíð á Norðurlandi. Tvær sýningar voru í Bláa húsinu á Siglufirði og ein sýning í  Tjarnaborg í Ólafsfirði.  

Sendiráð Frakklands á Íslandi og Alliance francaise, í samstarfi við Akureyrarbæ og Fjallabyggð, skipuleggja tvær franskar kvikmyndahátíðir á Norðurlandi frá 15. til 19. mars 2014. Aðgangur er ókeypis á alla hátíðina! 

Sýningum Leikfélags Fjallabyggðar á leikverkinu Brúðkaup hefur verið frestað um óákveðinn tíma.  Leikfélag Fjallabyggðar.

Stóra upplestrarkeppnin er haldin um land allt í 7. bekkjum grunnskólanna. Hún var haldin fyrst veturinn 1996-1997 í skólum í Hafnarfirði og Álftanesi en hefur síðan þá dreifst í flesta skóla hringinn í kringum landið. 

Fyrirhugaðri bútasaumssýningu hjá Quilt-konum sem vera átti í Tjarnaborg þann 12. mars hefur verið frestað um óákveðin tíma.

Árlega er haldin frönsk kvikmyndahátíð í Reykjavík og er hátíðin annar stærsti kvikmyndaviðburður Íslands á eftir RIFF. Árlega sækja um 10.000 gestir frönsku kvikmyndahátíðina sem fagnaði sínu 14. sýningarári núna í janúar.  

Sveitarfélagið Fjallabyggð skilaði 150,1 milljóna króna hagnaði á síðasta ári en fyrri umræða um ársreikninga fór fram í bæjarstjórn í gær. Samþykkt var með öllum greiddum atkvæðum að vísa ársreikningum til síðari umræðu. 

Það var líf og fjör í Fjallabyggð í gær á Öskudaginn. Börn og ungmenni uppáklædd í hinum ýmsu búningum gengu á milli fyrirtækja og sungu í þeirri von að fá góðgæti fyrir. 

Árleg Öskudagsskemmtun verður haldin í Íþróttamiðstöðinni Ólafsfirði miðvikudaginn 5. mars (Öskudag) milli kl. 14:30 - 15:30. Kötturinn sleginn úr tunnunni. Leikjabraut. Öll börn fá svaladrykk.