Fréttir

Daninn Rigmor Bak Fredriksen hefur dvalið í Herhúsinu á Siglufirði undanfarnar vikur.  Teikningar eftir hann verða til sýnis í Herhúsinu í dag, þriðjudag, milli kl. 16:00 - 19:00.  Allir hjartanlega velkomnir.  

Nú í marsmánuði hefur kanadískur listamaður, Carissa Baktey, verið að störfum í Listhúsinu í Ólafsfirði. Hún mun halda sýningu á verkum sem hún hefur verið að vinna að á þessum tíma, m.a. keramik, fimmtudaginn 27. mars og opnar húsið kl. 19:00. 

Ferðatröll, sem eru samtök ferðaþjónustuaðila á Tröllaskaga, sendu inn fyrir nokkru erindi til bæjaryfirvalda í Fjallabyggð og Dalvíkurbyggð þar sem óskað var eftir styrk við að útbúa heimasíðu yfir ferðaþjónustuaðila á Tröllaskaga.

Vatnstjón á heimilum og í fyrirtækjum nam á þriðja milljarði króna árið 2013 og varð langmestur hluti tjónsins á heimilum eða 84 prósent. Tryggingafélögin bæta tjónið að miklu leyti en ljóst er að heimilin bera verulegan kostnað af vatnstjóni. 

Miðvikudaginn 19. mars fór Stóra upplestrarkeppnin fram í Bergi á Dalvík. Fjórir keppendur úr 7. bekk Grunnskóla Fjallabyggðar tóku þátt og stóðu sig með miklum sóma. 

Fræðslu- og frístundanefnd hefur ákveðið að meðan á verkfalli framhaldsskólakennara stendur verði nemendum Menntaskólans á Tröllaskaga, sem og nemendum annarra framhaldsskóla með lögheimili í Fjallabyggð, boðið frítt í sund í Íþróttamiðstöð Fjallabyggðar. Verða nemendur að framvísa skólaskírteini til að fá frítt í sund. 

Á fundi Markaðs- og menningarnefndar Fjallabyggðar þann 17. mars var tekið fyrir erindi Þórðar Guðmundssonar og Elísar Hólms Þórðarsonar f.h. óstofnaðs einkahlutafélags, dagsett 13. febrúar 2014. Óskað er eftir leyfi Fjallabyggðar til að ferja fólk upp á fjöll sem eru í eigu sveitarfélagsins, með sérútbúnum snjótroðara, til útsýnis- og skíðaferða. 

Á laugardaginn voru sýndar þrjár franskar kvikmyndir í Fjallabyggð sem hluti af Franskri kvikmyndahátíð á Norðurlandi. Tvær sýningar voru í Bláa húsinu á Siglufirði og ein sýning í  Tjarnaborg í Ólafsfirði.  

Sendiráð Frakklands á Íslandi og Alliance francaise, í samstarfi við Akureyrarbæ og Fjallabyggð, skipuleggja tvær franskar kvikmyndahátíðir á Norðurlandi frá 15. til 19. mars 2014. Aðgangur er ókeypis á alla hátíðina! 

Sýningum Leikfélags Fjallabyggðar á leikverkinu Brúðkaup hefur verið frestað um óákveðinn tíma.  Leikfélag Fjallabyggðar.