Fréttir

Nýtt aðalskipulag Fjallabyggðar samþykkt. Bæjarstjórn Fjallabyggðar hefur samþykkt nýtt aðalskipulag Fjallabyggðar 2020-2032. Tillaga nýs aðalskipulags var auglýst frá 16. apríl til 28. maí 2021. Athugasemdir bárust frá umsagnaraðilum og er brugðist við þeim í 2. hluta greinargerðar aðalskipulagsins undir kafla 7.3.

Ljósmyndarinn Rut Hallgrímsdóttir opnar sýningu í Saga Fotografica safninu á Siglufirði 17. júní. Elstu myndirnar á sýningunni eru frá 1985 en þær nýjustu teknar á þessu ári.

Fjölbreytt hátíðardagskrá verður í Fjallabyggð á þjóðhátíðardaginn 17. júní. Í Ólafsfirði, við Menningarhúsið Tjarnarborg verður stórglæsileg hátíðardagskrá klukkan 14:00 og er það fræðslu- og menningarnefnd slökkviliðsins í Ólafsfirði sem hefur veg og vanda að hátíðardagskránni á hverju ári. Í boði verða m.a. hátíðarræða, Fjallkonan, tónlist, leiktæki, hoppukastalar, geimsnerill, sölutjöld og fleira fyrir alla fjölskylduna.

203. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði, 16. júní 2021 kl. 17.00

Nýliðun í Slökkviliði Fjallabyggðar hefst á næstu dögum. Fjórtán umsóknir bárust og er unnið úr umsóknum. Tvær konur eru meðal umsækjenda.

Á Íslandi eru tæplega 90 tónlistarskólar starfandi með 15 þúsund nemendur. Flest allir þessir skólar taka þátt í Netnótunni, nýjum tónlistarþáttum, sem unnir eru í samstarfi við Félag kennara og stjórnenda í tónlistarskólum og Samtaka tónlistarskólastjóra. Þættirnir verða sýndir á N4 en þar gefst kostur á að skyggnast inn í starfsemi tónlistarskólanna, grasrót tónlistarsköpunar í landinu. Nemendur i Tónlistarskólanum á Tröllaskaga koma við sögu í fyrsta þætti.

Nú er landsátaki ÍSÍ, Hjólað í vinnuna, lokið. Stýrihópur um heilsueflandi Fjallabyggð efndi til keppni meðal vinnustaða innan Fjallabyggðar.

Þetta sumarið er verið að vinna við áfanga fjögur í uppsetningu stoðvirkjum til ofanflóðavarna, svæði D við Fífladali. Á meðan unnið er í hlíðum fjallsins er óviðkomandi aðgangur bannaður með öllu á svæði D. Unnið er á svæði D á milli klukkan 07:00 og 17:00 alla daga nema sunnudaga. Það ætti því að vera óhætt að ganga upp í Hanneyrarskál utan þess tíma sem skilgreindur er hér að framan.

Af sóttvarnarástæðum reyndist ekki unnt að halda Stórsýningu grunnskólans. Í staðinn hafa kennarar og starfsfólk skólans tekið saman myndir, myndbönd og verk eftir nemendur og tæknimaður skólans setti efnið saman upp á heimasíðu þar sem hægt er að skoða það.

Fjölmenni var við formlega athöfn sem haldin var á áningarstaðnum Reka, Ósbrekkukambi í Ólafsfirði í gær fimmtudaginn 3. júní kl. 17:00 þegar Ungmennafélagið Vísir í Ólafsfirði afhenti Fjallabyggð til afnota og umsjónar tvo áningarstaði og upplýsingaskilti. Á skiltunum er að finna upplýsingar um bæjarnöfn, forn býli, gönguleiðir o.fl.