Fréttir

Markaðsstofa Norðurlands undirritaði í dag samninga við landshlutasamtökin SSNV og SSNE um rekstur Áfangastaðastofu. Þar með lýkur ferli sem staðið hefur yfir allt frá árinu 2017 en þá hófst fyrst undirbúningur að gerð fyrstu áfangastaðaáætlana svæðanna.

Svandís Svavarsdóttir heilbrigðisráðherra kynnti ríkisstjórn í morgun afléttingaráætlun vegna Covid-19. Er um að ræða fjórar skilgreindar „vörður“ á þeirri leið að opna samfélagið á ný þar sem sú fyrsta sé þegar að baki.

201. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði, 28. apríl 2021 kl. 17.00

Á 200. fundi bæjarstjórnar Fjallabyggðar þann 14. apríl sl., var tekið fyrir neðangreint erindi og samþykkti bæjarstjórn svonefnda tillögu um afgreiðslu:

Undankeppni Söngkeppni Samfés, NorðurOrg, var haldin með rafrænum hætti miðvikudagskvöldið 21. apríl sl. Helena Reykjalín Jónsdóttir tók þátt fyrir hönd Neons og komst hún áfram með lagið Creep með hljómsveitinni Radiohead. Hún mun því flytja lagið að nýju í úrslitum Söngkeppnis Samfés sunnudaginn 9. maí í Bíóhöllinni Akranesi.

Samgöngustofa hefur gefið út þrjár nýjar fræðslumyndir er varða umferðaröryggi

Heimilt er að opna tækjasali líkamsræktastöðva á morgun 23. apríl eftir að breytingar voru gerðar á reglugerð sem heimilar að deila tækjum milli notenda í sama tíma. Eftirfarandi notkunarleiðbeiningar fyrir líkamsræktir Íþróttamiðstöðva Fjallabyggðar eru unnar úr leiðbeiningum sóttvarnalæknis.

Síðastliðið haust auglýsti Fjallabyggð eftir hentugu framtíðarhúsnæði til kaups eða leigu undir starfsemi félagsmiðstöðvarinnar NEON. Á fundi bæjarráðs Fjallabyggðar þriðjudaginn 20. apríl sl. voru lögð fram drög að kaupsamningi vegna kaupa Fjallabyggðar að annarri hæð fasteignarinnar Suðurgötu 4, Siglufirði.

Bæjarstjórn Fjallabyggðar samþykkti þann 14. apríl s.l. að leita umsagnar á skipulagslýsingu skv. 40.gr.skipulagslaga nr.123/2010. Í skipulagslýsingu koma fram upplýsingar um forsendur, stefnu og fyrirhugað skipulagsferli. Viðfangsefni skipulagsins er m.a. að skilgreina lóðir fyrir mismunandi starfsemi, bæta öryggi þeirra sem fara um hafnarsvæðin, skilgreina helstu umferðarleiðir akandi og fótgangandi og bæta umhverfi og ásýnd svæðisins.

Stóri Plokkdagurinn verður haldinn laugardaginn 24. apríl nk. Fjallabyggð mun taka þátt og leggur til poka sem aðgengilegir verða áhugasömum Plokkurum í íþróttamiðstöðvum Fjallabyggðar bæði í Ólafsfirði og á Siglufirði.