Fréttir

Síðasti innritunardagur er í dag, föstudag. Nánari upplýsingar eru á umsóknareyðublöðum sem fást í Aðalbúðinni og á skrifstofu skólans.

Í dag eru 20 ár liðin frá því að aurskriður féllu niður í Ólafsfjörð úr hlíðum Tindaaxlar og ollu miklu tjóni. Fyrri skriðan var um áttatíu metra breið og tveggja til fjögra metra há. Skriðan kom niður á og á milli húsanna 69 og 71 við Hlíðarveg, hreif með sér tvo bíla áður en hún lenti á Hornbrekkuvegi 7.

Ýmislegt bendir til þess að nauðsynlegt verði að hefja nám við væntanlegan framhaldsskóla í Ólafsfirði í bráðabirgðarhúsnæði segir Jón Eggert Bragason, verkefnisstjóri, en stefnt er að því að hefja nám við skólann næsta haust. Frá þessu segir á heimasíðu Ríkisútvarpsins.