Fundargerðir

Til bakaPrenta
Bæjarstjórn Fjallabyggðar - 183. fundur - 23. mars 2020

Haldinn í fjarfundi,
23.03.2020 og hófst hann kl. 12:00
Fundinn sátu: Ingibjörg Guðlaug Jónsdóttir Forseti bæjarstjórnar I-lista,
Helga Helgadóttir 1.varaforseti bæjarstjórnar, D-lista,
S. Guðrún Hauksdóttir bæjarfulltrúi, D lista,
Jón Valgeir Baldursson bæjarfulltrúi, H lista,
Tómas Atli Einarsson bæjarfulltrúi, D lista,
Nanna Árnadóttir bæjarfulltrúi, I lista,
Særún Hlín Laufeyjardóttir bæjarfulltrúi, H lista,
Guðrún Sif Guðbrandsdóttir deildarstjóri stjórnsýslu- og fjármála,
Elías Pétursson bæjarstjóri.
Fundargerð ritaði: Guðrún Sif Guðbrandsdóttir, deildarstjóri stjórnsýslu og fjármála


Dagskrá: 
Fundargerðir til staðfestingar
1. 2003049 - Ákvörðun samgöngu- og sveitarstjórnarráðherra, skv. VI. bráðabirgðarákvæðis sveitarstjórnarlaga
Forseti bæjarstjórnar lagði fram tillögu að tímabundinni heimild til breytinga á fyrirkomulagi funda bæjarstjórnar og fastanefnda Fjallabyggðar meðan neyðarstig almannavarna er í gildi. Lagt fram með vísan til VI. bráðabirgðaákvæðis sveitarstjórnarlaga, nr. 138/2011.

Bæjarstjórn samþykkir, með 7 samhljóða atkvæðum, til að tryggja starfhæfi sitt og til að auðvelda ákvarðanatöku við stjórn Fjallabyggðar, að nota fjarfundarbúnað á fundum bæjarstjórnar og fastanefnda bæjarfélagsins og engin takmörk verði á fjölda fundarmanna sem taka þátt í fundum sveitarstjórnar og nefndum sveitarfélagsins í fjarfundarbúnaði. Jafnframt samþykkir bæjarstjórn að ritun fundargerða fari fram með öðrum hætti en mælt er fyrir um í leiðbeiningum innanríkisráðuneytisins, um ritun fundargerða, nr. 22/2013. Fundargerð skal annað hvort deilt með öllum fundarmönnum á skjá í lok fundar, lesin yfir og samþykkt, send staðfest með tölvupósti og samþykkt með svari eða undirrituð rafrænt.
Fleira ekki gert. Fundi slitið kl. 13:00 

Til bakaPrenta