Fundargerðir

Til bakaPrenta
Markaðs- og menningarnefnd Fjallabyggðar - 56

Haldinn í Ráðhúsi Fjallabyggðar, Gránugötu 24, Siglufirði,
04.09.2019 og hófst hann kl. 17:00
Fundinn sátu: Ólafur Stefánsson formaður, D lista,
Jón Kort Ólafsson aðalmaður, H lista,
Sigríður Guðmundsdóttir aðalmaður, D lista,
Ægir Bergsson varaformaður I lista,
Ríkey Sigurbjörnsdóttir deildarstjóri fræðslu- frístunda- og menningarmála.
Fundargerð ritaði: Ríkey Sigurbjörnsdóttir, deildarstjóri fræðslu-, frístunda- og menningarmála.
Ida M. Semey boðaði forföll og varamaður hennar einnig.


Dagskrá: 
Til kynningar
1. 1904003 - Málefni Tjarnarborgar
Undir þessum lið sat Ásta Sigurfinnsdóttir umsjónarmaður Tjarnarborgar. Umsjónarmaður og deildarstjóri fræðslu-, frístunda- og menningarmála lögðu fram drög að endurskoðuðum samningi um útleigu í Tjarnaborg. Markaðs- og menningarnefnd samþykkir drögin með áorðnum breytingum og vísar til bæjarráðs.
2. 1811009 - Markaðsstefna Fjallabyggðar
Formaður Markaðs- og menningarnefndar upplýsti fundarmenn um stöðu og vinnu við gerð Markaðsstefnu Fjallabyggðar.
3. 1909004 - Haustfundur ferðaþjónustu, menningar og afþreyingar í Fjallabyggð
Síðastliðið haust var haldinn velheppnaður samráðsfundur ferðaþjónustu, menningar og afþreyingar í Fjallabyggð. Stefnt er að því að halda aftur fund í nóvember nk.. Markaðs- og menningarnefnd felur markaðs- og menningarfulltrúa að leggja hugmynd að dagsetningu og umræðuefnum haustfundar fyrir næsta fund nefndarinnar.
4. 1908033 - Vatnslitamyndir af snjóflóðarvarnargörðum á Siglufirði
Reynir Vilhjálmsson landslagsarkitekt og listmálari hélt sýningu á vatnslitaverkum í Herhúsinu í ágúst sl. Meðal annarra listaverka voru 12 vatnslitaverk af snjóflóðavarnargörðum ofan Siglufjarðar. Myndirnar sýna hönnun og lögun snjóflóðavarnargarðanna og samspil þeirra við náttúru og byggðina í Siglufirði. Myndirnar eru falleg heimild um þessi miklu mannvirki.
Reynir Vilhjálmsson landslagsarkitekt og teiknistofa hans, Landslag ehf., voru tilnefnd til evrópskra verðlauna í landslagsarkitektúr á sínum tima fyrir hönnun snjóflóðavarnargarða á Siglufirði og hlutu viðurkenningu. Snjóflóðavarnargarðarnir á Siglufirði hafa vakið verulega athygli meðal fagfólks í hönnun erlendis.
Reynir Vilhjálmsson hefur boðið Fjallabyggð vatnslitamyndirnar af snjóflóðargörðum á Siglufirði til kaups og þykja þessar myndir hvergi eiga betur heima en í eigu sveitarfélagsins.
Markaðs- og menningarnefnd þakkar boð Reynis og tekur undir það að myndirnar eigi heima í eigu sveitarfélagsins.
Fleira ekki gert. Fundi slitið kl. 18:30 

Til bakaPrenta