Fundargerðir

Til bakaPrenta
Markaðs- og menningarnefnd Fjallabyggðar - 55. fundur - 7. ágúst 2019

Haldinn Ólafsvegi 4, Ólafsfirði,
07.08.2019 og hófst hann kl. 17:00
Fundinn sátu: Ólafur Stefánsson formaður, D lista,
Jón Kort Ólafsson aðalmaður, H lista,
Sigríður Guðmundsdóttir aðalmaður, D lista,
Ægir Bergsson varaformaður I lista,
Linda Lea Bogadóttir markaðs- og menningarfulltrúi,
Ríkey Sigurbjörnsdóttir deildarstjóri fræðslu- frístunda- og menningarmála.
Fundargerð ritaði: Ríkey Sigurbjörnsdóttir, deildarstjóri fræðslu-, frístunda- og menningarmála.
Ida Semey boðaði forföll og ekki náðist að boða varamann hennar.


Dagskrá: 
Til kynningar
1. 1902073 - Ferðamenn í Fjallabyggð 2004-2018
Lögð fram til kynningar skýrsla um ferðamenn í Fjallabyggð 2004-2018, sem unnin er af fyrirtækinu Rannsókn og ráðgjöf ferðaþjónustunnar, fyrir Fjallabyggð í júní 2019.
Í samantekt er lögð áhersla á að skoða komur erlendra ferðamanna í Fjallabyggð í heild og í byggðarkjarnana hvorn fyrir sig með samanburð við komur ferðamanna í Eyjafjörð. Að jafnaði tóku 3-4.000 manns þátt í könnuninni hverju ári.
Samkvæmt skýrslunni komu 113 þúsund erlendir ferðamenn til Fjallabyggðar árið 2018 og 73 þúsund innlendir ferðamenn. Til samanburðar komu 21 þúsund erlendir ferðamenn árið 2010 til Fjallabyggðar og 45 þúsund innlendir. Skýrsuna má nálgast á heimasíðu Fjallabyggðar undir útgefið efni.
2. 1908002 - Erindi frá Sjómannadagsráði Sjómannafélags Ólafsfjarðar
Erindi frá Sjómannadagsráði Sjómannafélags Ólafsfjarðar lagt fram til kynningar. Sjómannadagsráð óskar eftir að árlegur styrkur Fjallabyggðar til hátíðarinnar sé færður inn í samning til allt að þriggja ára. Markaðs- og menningarnefnd lítur jákvæðum augum á erindið og vísar því til bæjarráðs.
3. 1908004 - Hátíðir í Fjallabyggð 2019, skýrslur og uppgjör
Markaðs- og menningarfulltrúi fór yfir hátíðir í Fjallabyggð 2019 en fyrir liggja uppgjör og skýrslur frá þremur hátíðum, 17. júní, Sjómannadagshátíð og Þjóðlagahátíð.
Fleira ekki gert. Fundi slitið kl. 18:30 

Til bakaPrenta