Fundargerðir

Til bakaPrenta
Bæjarráð Fjallabyggðar - 579 fundur - 1. nóvember 2018

Haldinn í Ráðhúsi Fjallabyggðar, Gránugötu 24, Siglufirði,
01.11.2018 og hófst hann kl. 16:15
Fundinn sátu: Helga Helgadóttir formaður, D lista,
Nanna Árnadóttir aðalmaður, I lista,
Jón Valgeir Baldursson aðalmaður, H lista,
Gunnar Ingi Birgisson bæjarstjóri,
Guðrún Sif Guðbrandsdóttir deildarstjóri stjórnsýslu- og fjármála.
Fundargerð ritaði: Guðrún Sif Guðbrandsdóttir, deildarstjóri stjórnsýslu og fjármála


Dagskrá: 
Erindi og umsagnir frá starfsmönnum
1. 1809046 - Styrkumsóknir 2019 - Menningarmál
Farið yfir styrktarumsóknir.

Bæjarráð samþykkir að vísa umsóknum til afgreiðslu markaðs- og menningarnefndar.
2. 1809045 - Styrkumsóknir 2019 - Frístundamál
Farið yfir styrkumsóknir.

Bæjarráð samþykkir að vísa umsóknum til afgreiðslu fræðslu- og frístundanefndar.
3. 1809044 - Styrkumsóknir 2019 - Ýmis mál
Farið yfir styrktarumsóknir

Bæjarráð samþykkir að vísa málinu til áframhaldandi vinnu bæjarráðs.
4. 1809049 - Styrkumsóknir 2019 - Fasteignaskattur félagasamtaka
Farið yfir umsóknir um styrk á móti fasteignaskatti félagasamtaka 2019.

Niðurstaðan er innan áætlaðra framlaga á fjárhagsáætlun 2019.

Bæjarráð samþykkir að taka málið upp eftir að búið verður að leggja á fasteignagjöld með formlegum hætti í febrúar 2019.
5. 1801072 - Erindum vísað til gerðar fjárhagsáætlunar 2019
Tekin til afgreiðslu óafgreidd erindi sem bæjarráð hafði vísað til umfjöllunar við gerð fjárhagsáætlunar 2019.

1. 1810108 - Malbik vantar á bút við Menntaskólann á Tröllaskaga.
Bæjarráð vísaði erindi Láru Stefánsdóttur skólastjóra Menntaskólans á Tröllaskaga dags. 25.október sl. til gerðar fjárhagsáætlunar 2019 á fundi bæjarráðs þann 30.október sl.
Bæjarráð hefur samþykkt að setja þennan lið á framkvæmdaráætlun 2019.

2. 1810081 - Skiptiveggir í íþróttahús Fjallabyggðar.
Bæjarráð vísaði erindi vegna skiptiveggja í íþróttahús Fjallabyggðar til gerðar fjárhagsáætlunar 2019 á fundi bæjarráðs þann 23.október sl.
Bæjarráð hefur samþykkt að þessi liður verði á framkvæmdaráætlun 2019.

3. 1809083 - Endurskoðun og endurnýjun á samstarfssamningi við Skógræktarfélag Siglufjarðar.
Skógræktarfélag Siglufjarðar lagði fram erindi dags. 26.september sl. þar sem óskað var eftir að endurnýja samstarfssamning sem rennur út 31.12.2018.

Bæjarráð samþykkir að hækka styrk til Skógræktarfélags Siglufjarðar úr kr. 300.000 í kr. 400.000. Samningurinn verður til tveggja ára.

4. 1808076 - Opnunartími íþróttamiðstöðvar um helgar.
Á 571. fundi bæjarráðs þann 11. september var tekið fyrir erindi íbúa um lengdan opnunartíma íþróttamiðstöðva/sundlauga um helgar sem 59. fundur fræðslu- og frístundanefndar vísaði til bæjarráðs. Lagt var fram minnisblað deildarstjóra fræðslu-, frístunda og menningarmála dags. 03.09.2018 um áætlaðan kostnað við lengingu opnunartíma.

Bæjarráð samþykkir að fresta erindinu.


5. 1808016 - Málefni vatnsveitu í Ólafsfirði.
Á 567. fundi bæjarráðs þann 14. ágúst sl. var tekið fyrir bréf Ámunda Gunnarssonar slökkviliðsstjóra Fjallabyggðar dags. 9. ágúst 2018 ásamt greinargerð Þormóðs Sigurðssonar varaslökkviliðsstjóra varðandi ástand vatnsveitu í Ólafsfirði. Bæjarráð samþykkti að vísa erindinu til umsagnar bæjarstjóra og deildarstjóra tæknideildar.
Í minnisblaði bæjarstjóra og deildarstjóra tæknideildar, dags. 26. september 2018 kemur fram að leitað hafi verið til VSÓ verkfræðistofu vegna lausnar málsins. Fyrirliggjandi hönnun VSÓ felur í sér að til þess að auka vatnsþrýsting og slökkvivatn á kerfinu í Ólafsfirði upp að 5 börum þurfi að setja þrýstijafnara á neðri vatnstankinn. Áætlaður kostnaður er um 5-7 mkr. og lagt er til að framkvæmdir fari fram í maí á næsta ári. Bæjarráð samþykkir að vísa málinu til fjárhagsáætlunar fyrir árið 2019.

Bæjarráð hefur samþykkt að áætla kr. 5.000.000.- til að auka þrýsting í vatnsveitukerfi Ólafsfjarðar í framkvæmdaráætlun 2019.


6. 1805099 - Hjólabrettapallur - fyrirspurn.
Á 559. fundi bæjarráðs þann 5. júní sl. var tekin fyrir fyrirspurn sem aðstoðarskólastjóri Grunnskóla Fjallabyggðar sendir fyrir hönd nokkurra nemenda á Ólafsfirði, um hvort hægt væri að taka aftur í notkun hjólabrettapall sem var á grunnskólalóðinni á Siglufirði og færa hann yfir á skólalóð grunnskólans í Ólafsfirði. Bæjarráð óskaði eftir umsögn deildarstjóra tæknideildar og deildarstjóra fræðslu-, frístunda- og menningarmála. Í umsögn deildarstjóra tæknideildar og deildarstjóra fræðslu-, frístunda- og menningarmála var lagt til að skoðað væri að setja hjólabrettarampinn sem tekin var af skólalóðinni við Norðurgötu inn í hönnunina á skólalóð grunnskólans við Tjarnarstíg. Verkið kæmi til framkvæmda sumarið 2019. Bæjarráð samþykkir umsögn deildarstjóranna og vísar erindinu til gerðar fjárhagsáætlunar 2019.

Bæjarráð samþykkir að fela deildarstjóra tæknideildar að koma þessum óskum til hönnuða skólalóðarinnar. Í framkvæmdaáætlun 2019 er áætlað að ljúka við 2. og 3. áfanga skólalóðarinnar í Grunnskóla Fjallabyggðar í Ólafsfirði.


7. 1805038 - Húsnæðismál Héraðsskjalasafns Fjallabyggðar.
Í kjölfar úttektar deildarstjóra og forstöðumanns Bókasafns Fjallabyggðar á húsnæðismálum héraðsskjalasafnsins fól bæjarráð þeim að leggja fyrir ráðið tillögu að framtíðarfyrirkomulagi safnsins. Lögð fram tillaga deildarstjóra og forstöðumanns. Bæjarráð lítur tillöguna jákvæðum augum og vísar henni til umfjöllunar við gerð fjárhagsáætlunar fyrir árið 2019.
Bæjarráð hefur samþykkt að áætla kr. 5.000.000.- í nýja skjalaskápa fyrir Héraðsskjalasafnið í framkvæmdaáætlun 2019.

8. 1803069 - Niðurstaða KPMG á greiningu á núverandi stöðu fasteigna í eigu sveitarfélagsins.
Á 550. fundi bæjarráðs þann 4. apríl sl var lögð fram niðurstaða greiningar KMPG á núverandi stöðu fasteigna í einstökum sveitarfélögum, þ.á.m. Fjallabyggð, sem unnin var fyrir Varasjóð húsnæðismála. Í minnisblaði bæjarstjóra kom fram: - Fjallabyggð á og rekur 25 leiguíbúðir. - Heildarfasteignamat eignanna var 176 m.kr. fyrir árið 2017. - Heildarskuldir námu 241,2 m.kr. í lok nóvember 2017. - Núverandi meðalleiga á m2 nemur 956 kr. fyrir árið 2017. - Almennt leiguverð á Norðurlandi án Akureyrar er 18% hærra en í Fjallabyggð sem er 1.021. kr./m2.
Í forsendum við fjárhagsáætlun 2019 var gert ráð fyrir hækkun á húsaleigu um 10%, bæjarráð samþykkir að hækka húsaleigu um 10% frá 01.01.2019.


9. 1801059 - Ráðgjöf og kennsla - Íbúar ses
Á 539. fundi bæjarráðs þann 23.janúar sl. var lagt fram til kynningar kynningartilboð frá íbúum ses., sem snýr að því að auka borgaralega þátttöku og hannar og þróar opinn hugbúnað fyrir samráðsferla og samráðslýðræði. Bæjarráð samþykkti að vísa erindinu til gerðar fjárhagsáætlunar fyrir árið 2019.

Bæjarráð sér sér ekki fært að verða við erindinu.

10. 1708037 - Varðar Álfhól - hringsjá
Á 556. fundi bæjarráðs þann 15. maí sl. var tekið fyrir erindi frá Viktoríu Særúnu Gestsdóttur, þar sem hún lýsir yfir vonbrigðum sínum með að ekki verði ráðist í framkvæmdir á árinu 2018 við að gera aðgengi betra að hringsjá á Álfhól, Siglufirði. Bæjarráð þakkar Viktoríu fyrir bréfið og vísar erindinu til gerðar fjárhagsáætlunar fyrir árið 2019.

Bæjarráð samþykkir að hanna og kostnaðarreikna áætlaðar framkvæmdir við hringsjá á árinu 2019.


11. 1507052 - Brú yfir Skútuá Siglufirði - endurbætur, sorphirða- og vatnsveitumál tengt Visnesi
Á 565. fundi bæjarráðs þann 23. júlí sl. var lagt fram erindi dagsett 20. júlí 2018 frá Guðrúnu Sölvadóttur varðandi endurbætur á brú yfir Skútuá Siglufirði, kaldavatnsleiðslu og sorphirðu. Á 566. fundi bæjarráðs samþykkti ráðið að vísa endurbótum á brú yfir Skútuá og kaldavatnsleiðslu til gerðar fjárhagsáætlunar 2019.

Bæjarráð samþykkir að endurbæta brúnna yfir Skútuá á árinu 2019.


12. 1401026 - Ferðastefna Fjallabyggðar
Á 47. fundi markaðs- og menningarnefndar sem haldin var 24.10.2018 lagði nefndin til við bæjarráð að stýrihópur sem stofnaður var til að ljúka við gerð ferðastefnu yrði leystur upp og þess í stað verði farið í gerð markaðsstefnu Fjallabyggðar þar sem ferðastefna verði einn kafli í markaðsstefnu. Nýr vinnuhópur yrði stofnaður og gert ráð fyrir launum fyrir fundarsetu í fjárhagsáætlun 2019. Vinnuhópurinn ynni drög að markaðsstefnu sem hann legði fyrir markaðs- og menningarnefnd eigi síðar en 1. júní 2019. Bæjarráð samþykkti á 578. fundi þann 30.október sl. að leysa upp stýrihóp sem vinna átti að ferðastefnu Fjallabyggðar og þess í stað verður stofnaður nýr vinnuhópur sem skila á drögum að markaðsstefnu Fjallabyggðar til markaðs- og menningarnefndar eigi síðar en 1. júní 2019. Launakostnaði vegna fundarsetu er vísað til fjárhagsáætlunar 2019.

Bæjarráð samþykkir að gert verði ráð fyrir launakostnaði vegna fundarsetu í fjárhagsáætlun 2019.

13. 1306042 - Viðhald húsnæðis Ægisgötu 13 Ólafsfirði.
Á 576. fundi bæjarráðs var lagt fram erindi Láru Stefánsdóttur skólameistara Menntaskólans á Tröllaskaga dags. 2. október 2018 varðandi ástand á þaki skólahúsnæðisins að Ægisgötu 13, Ólafsfirði. Einnig lagt fram minnisblað bæjarstjóra og deildarstjóra tæknideildar dags. 12. október 2018 þar sem lagt er til að dúkur á þaki Menntaskólans á Tröllaskaga verði lagfærður í þremur áföngum á næstu þremur árum. Bæjarráð samþykkir að vísa viðhaldi á þakdúk húsnæðis Menntaskólans á Tröllaskaga til gerðar fjárhagsáætlunar 2019.

Bæjarráð samþykkir að lagfæra þakið í þremur áföngum og vísar fyrsta áfanga til viðhaldskostnaðar (eignasjóðs) í rekstri Menntaskólans á Tröllaskaga, sem verður áætlaður kr. 10.000.000.-

14. Kynning á Gagnatorgi fyrir Fjallabyggð.
Þann 14.ágúst kom erindi frá Capacent um nýtt Gagnatorg. Gagnatorgið samanstendur af fimm einingum; Íbúatölum, Opnum fjármálum, Ársreikningum, Fjárhagsáætlun og Birgjagreiningu. Sveitarfélög geta ráðið hversu margar einingar þau vilja nota og sýna út á við.

Bæjarráð sér sér ekki fært að verða við erindinu.
Ýmis erindi
6. 1810101 - Styrkumsókn -Kvenfélagið Æskan Ólafsfirði
Lögð fram styrktarumsókn Kvenfélagsins Æskunnar Ólafsfirði dags. 23.október 2018.

Bæjarráð getur ekki orðið við erindinu þar sem umsóknin barst of seint en umsóknarfresturinn rann út þann 5.október 2018.
Fleira ekki gert. Fundi slitið kl. 17:30 

Til bakaPrenta