Tónlistarskólinn á Tröllaskaga

Frá og með haustinu 2016 hafa sveitarfélögin Dalvíkurbyggð og Fjallabyggð gert samning til þriggja ára um sameiginlegan rekstur tónlistarskóla fyrir bæði sveitarfélögin undir heitinu Tónlistarskólinn á Tröllaskaga.

Samkvæmt samningnum er markmið tónlistarskólans að efla tónlistarþekkingu og iðkun tónlistar, auk þess að stuðla að eflingu tónlistarlífs í aðildarsveitarfélögunum. Þessum markmiðum hyggst skólinn ná meðal annars með því að:

  • Annast kennslu í hljóðfæraleik og söng ásamt kennslu í öðrum tónlistargreinum sem gert er ráð fyrir í aðalnámskrá tónlistarskóla.
  • Bjóða upp á kennslu í sem flestum greinum tónlistar, þar sem börnum jafnt sem fullorðnum gefst kostur á að stunda tónlistarnám eftir því sem aðstæður leyfa.
  • Búa nemendum fjölbreytt skilyrði til að þroska tónlistarhæfileika sína og sköpunargáfu.
  • Leggja áherslu á félagslegt gildi tónlistariðkunar með þátttöku nemenda í samleik og hljómsveitarstarfi.
  • Búa nemendur undir framhaldsnám í tónlist.
  • Styðja kennara skólans til tónleikahalds.

Stefnt er að því að öllum nemendum í 1. – 10. bekk grunnskóla sveitarfélaganna verði gefinn kostur á að stunda tónlistarnám sitt sem hluta af samfelldum skóladegi.

Skólanefnd er skipuð fimm fulltrúum og skiptast þeir á milli sveitarfélaganna Dalvíkurbyggðar og Fjallabyggðar. Skólastjóri skólans er Magnús G. Ólafsson.

Símar á skrifstofu skólans: 

  • Dalvík 460-4990 
  • Ólafsfirði 464-9210
  • Siglufirði 464-9130
Allar nánari upplýsingar er að finna á vefsíðu tónlistarskólans á slóðinni: http://www.tat.is/
 

Fréttir

Innritun hafin í Tónlistarskólann á Tröllaskaga skólaárið 2018 -2019

Skráning í Tónlistarskólann á Tröllaskaga er hafin og stendur yfir dagana 15. ágúst — 31. ágúst 2018. Tekið er við rafrænum umsóknum á heimasíðu Tónlistarskólans. Einnig er hægt að senda tölvupóst á tat@tat.is og færa núverandi nemendur á milli skólaára
Lesa meira

Skólastarf Tónlistarskólans á Tröllaskaga

Um það bil 205 nemendur hófu nám í haust við Tónlistarskólann á Tröllaskaga. Starfsfólk kom til starfa 23. ágúst og kennsla hófst 29. ágúst. Fimmtán tónlistarkennarar vinna nú við skólann í misjöfnum stöðugildum en alls eru stöðugildin 11,35 og þrír starfsmenn sjá um ræstingar í þremur byggðarkjörnum.
Lesa meira

Jólatónleikar Tónlistarskólans á Tröllaskaga

Sjá auglýsingu
Lesa meira

Hausttónleikar Tónlistarskólans

Hausttónleikar Tónlistarskólans á Trölladaga verða haldnir dagana 24. - 27. október nk. Á tónleikunum koma fram nemendur skólans með fjölbreytta og skemmtilega dagskrá.
Lesa meira

Innritun í Tónlistarskólann á Tröllaskaga skólaárið 2017 -2018

Innritun í Tónlistarskólann á Tröllaskaga fer fram dagana 14. - 31. ágúst nk.
Lesa meira