Fræðslu- og frístundanefnd Fjallabyggðar - 71. fundur - 13. maí 2019

Málsnúmer 1905004F

Vakta málsnúmer

Bæjarstjórn Fjallabyggðar - 175. fundur - 12.06.2019

  • .1 1905017 Vinnuskóli 2019
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sat Haukur Sigurðsson forstöðumaður vinnuskóla.
    Forstöðumaður fór yfir skipulag Vinnuskóla Fjallabyggðar 2019. Hann kynnti Sjávarútvegsskólann sem 14 ára nemendum í vinnuskólanum gefst kostur á að sækja. Um er að ræða fjóra daga þar sem nemendur fá fræðslu um ýmislegt sem tilheyrir sjávarútvegi. Til stendur að halda Sjávarútvegsskólann í Fjallabyggð í fyrsta sinn og munu 14 ára nemendur sem skráðir eru í vinnuskólann taka þátt í honum.
    Stefnt er að því að halda úti smíðaskóla (kofabyggð) í báðum byggðarkjörnum. Smíðaskólinn verður starfræktur kl. 10:00 - 12:00, 3-4 sinnum í viku í þrjár vikur, 15. júlí - 1. ágúst. Smíðaskólinn verður auglýstur.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.
  • .2 1905025 Aðsókn í Íþróttamiðstöð Fjallabyggðar páskar 2019
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sat Haukur Sigurðsson forstöðumaður Íþróttamiðstöðva Fjallabyggðar
    Forstöðumaður fór yfir aðsóknartölur í sundlaugar og líkamsræktir sveitarfélagsins yfir páskadagana.
    Á Siglufirði komu 905 gestir í sund og 118 í líkamsrækt, samtals frá skírdegi til annars í páskum.
    Á sama tíma komu 1118 gestir í sund og 104 gestir í líkamsrækt í Ólafsfirði.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.
  • .3 1905021 Grunnskóli Fjallabyggðar - starfsmannakönnun 2019
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sátu Erla Gunnlaugsdóttir skólastjóri Grunnskóla Fjallabyggðar, Ása Björk Stefánsdóttir aðstoðarskólastjóri og Helena H. Asperlund fulltrúi kennara.
    Skólastjóri og aðstoðarskólastjóri kynntu niðurstöður starfsmannakönnunar.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.
  • .4 1905024 Skólaslit Grunnskóla Fjallabyggðar 2019
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sátu Erla Gunnlaugsdóttir skólastjóri Grunnskóla Fjallabyggðar, Ása Björk Stefánsdóttir aðstoðarskólastjóri og Helena H. Asperlund fulltrúi kennara.

    Skólastjóri kynnti fyrirkomulag skólaslita grunnskólans 31. maí nk.

    Í ár verða skólaslit Grunnskóla Fjallabyggðar í Siglufjarðarkirkju fyrir alla árganga. Skólaslit verða í tveimur hlutum. 1. - 5. bekkur mæta kl. 12:00 og 6.- 10. bekkur kl 17:00. Í framtíðinni er stefnt að því að skólaslit 6.-10. bekkjar verði í Tjarnarborg.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.
  • .5 1905026 Niðurstöður samræmdra prófa í 9. bekk 2019
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sátu Erla Gunnlaugsdóttir skólastjóri Grunnskóla Fjallabyggðar, Ása Björk Stefánsdóttir aðstoðarskólastjóri og Helena H. Asperlund fulltrúi kennara.

    Skólastjóri kynnti niðurstöður samræmdra prófa í 9.bekk 2019. Niðurstöður samræmdra prófa í 9.bekk eru settar fram í formi hæfnieinkunna í bókstöfum.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.
  • .6 1904075 Alþjóðleg samstarfsverkefni í Grunnskóla Fjallabyggðar 2019-2020
    Fræðslu- og frístundanefnd Fjallabyggðar - 71. fundur - 13. maí 2019 Undir þessum lið sátu Erla Gunnlaugsdóttir skólastjóri Grunnskóla Fjallabyggðar, Ása Björk Stefánsdóttir aðstoðarskólastjóri og Helena H. Asperlund fulltrúi kennara.

    Til kynningar eru þrjú alþjóðleg samstarfsverkefni sem eru í gangi í Grunnskóla Fjallabyggðar eða hefjast á næsta skólaári.

    Grunnskólinn er í samstarfi með Tékklandi og Frakklandi í eTwinnng verkefni. Verkefnið gengur út á endurvinnslu á plastrusli sem týnt er í fjörum og á víðavangi. Verkefnið stendur í tvö ár.

    Þá er grunnskólinn í samstarfi við sænskan skóla í Nordplus verkefni. Verkefnið snýst um heimsóknir bæði nemenda og kennara. Áhersla er á forvarnir gegn einelti. Á næsta skólaári munu nemendur og kennari frá Grunnskóla Fjallabyggðar sækja Svíana heim.

    Stærsta verkefnið er Erasmus verkefni sem ber nafnið Singing Gardens for learning through and into nature. Ásamt Grunnskóla Fjallabyggðar eru skólar frá 4 öðrum löndum: Kýpur, Ítalíu, Belgíu og Svíþjóð.
    Þetta verkefni snýst um að búa til "garð" í skólastofunni, rækta og vinna með náttúrutengd verkefni í samvinnu við foreldra.
    Bókun fundar Afgreiðsla 71. fundar fræðslu- og frístundanefndar staðfest á 175. fundi bæjarstjórnar með 7 atkvæðum.