Vorfundur Grunns, félags fræðslustjóra og stjórnenda á skólaskrifstofum 6.-8. maí 2019.

Lagt fram erindi Grunns, félags fræðslustjóra og stjórnenda á skólaskrifstofum, dags. 01.04.2019. Félagið hyggst halda vorfund Grunns á Siglufirði dagana 6.- 8. maí. Félagið óskar eftir styrk frá Fjallabyggð í formi móttöku fyrir fundargesti mánudaginn 6. maí kl. 17:30. Einnig er óskað eftir því að Fjallabyggð hafi hönd í bagga með að útvega veislustjóra á hátíðarkvöldverð félagsins sem haldinn verður á Rauðku þriðjudaginn 7. maí og eitt skemmtiatriði.

Lagt fram minnisblað deildarstjóra fræðslu-, frístunda og markaðsdeildar dags. 29.03.2019 þar sem óskað er eftir að kr. 358.500, verði sett í viðauka við deild 21510, lykill 4230.

Bæjarráð samþykkir viðauka nr. 7/2019 að upphæð kr. 358.500.- við deild 21510 og lykill 4230 og að honum sé mætt með lækkun á handbæru fé og vísar honum til umfjöllunar og afgreiðslu bæjarstjórnar.