Lagt fram minnisblað deildarstjóra stjórnsýslu- og fjármáladeildar þar sem óskað er heimildar til þess að ganga til samninga við Pacta lögmannsstofu um að gegna hlutverki persónuverndarfulltrúa fyrir sveitarfélagið. Um er að ræða ca 25% starfsígildi persónuverndarfulltrúa sem sveitarfélagið þarf að hafa tiltæk fyrir 15. júlí nk. þegar ný persónuverndarlöggjöf tekur gildi.
Bæjarráð samþykkir beiðni deildarstjóra stjórnsýslu- og fjármáladeildar og felur deildarstjóra jafnframt að tilkynna skipun persónuverndarfulltrúa sveitarfélagsins til Persónuverndar fyrir 15. júlí nk. sbr. 7. mgr. 37. gr. persónuverndarreglugerðar. Kostnaður kr. 2.000.000.- vegna persónuverndarfulltrúa er vísað í viðauka nr. 7/2018 á deild 21400, lykill 4391 sem verður mætt með lækkun á handbæru fé.
