Ósk um aðgang að sundlaugum Fjallabyggðar

Dalvíkurbyggð óskar eftir aðgangi að sundlaugum Fjallabyggðar án endurgjalds meðan framkvæmdir standa yfir.

Fyrir liggur erindi frá íþróttafulltrúa Dalvíkurbyggðar þar sem fram kemur að í mörg ár hafa Sundlaugar Dalvíkurbyggðar og Fjallabyggðar haft með sér það fyrirmyndar samstarf að þegar loka þarf vegna framkvæmda á öðrum hvorum staðnum fá korthafar með gild kort á þeim stað frítt á hinum staðnum. Í erindi íþróttafulltrúa er lagt til að sveitarfélögin geri með sér ótímabundinn samning um áframhaldandi samstarf á þessum nótum.