Afnot af íþróttahúsi Fjallabyggðar vegna alþjóðlegs bridgemóts

Bæjarstjóri vék af fundi við afgreiðslu þessa máls.

Í erindi Sigurbjörns Þorgeirssonar formanns Bridgefélags Siglufjarðar, dagsett 22. júlí 2016, er óskað eftir endurgjaldslausum afnotum af íþróttahúsi Fjallabyggðar á Siglufirði, í tengslum við alþjóðlegt bridgemót sem haldið verður 23-25. september 2016. Reiknað er með 120-180 spilurum.

Bæjarráð fagnar þessu framtaki bridgefélagsins og samþykkir að veita félaginu umbeðinn styrk vegna afnota af íþróttahúsi Fjallabyggðar á Siglufirði.

Jafnframt vísar bæjarráð afgreiðslunni til viðauka við fjárhagsáætlun.