30. nóvember 2011

126. fundur skipulags- og umhverfisnefndar Fjallabyggðar
haldinn í fundarherbergi í Ólafsfirði miðvikudaginn 30. nóvember 2011
og hófst hann kl. 17:00.

Fundinn sátu: Sigurður Hlöðversson, Jón Árni Konráðsson, Hilmar Þór Elefsen, Helga Jónsdóttir, Valur Þór Hilmarsson og Ármann Viðar Sigurðsson.
Fundargerð ritaði: Valur Þór Hilmarsson, Umhverfisfulltrúi.

Fyrir var tekið:

1.  1111065 - Íbúðahús við Brimnes
Sigurjón Magnússon óskar eftir leyfi til að setja niður íbúðarhús á lóð sinni sunnan við íbúðarhúsið á Brimnesi.  íbúðarhúsið er hæð og ris gamla íbúðarhússins á Vatnsenda í Ólafsfirði.  Fyrirhuguð staðsetning er í beinni línu um 30 metrum sunnan við íbúðarhúsið á Brimnesi skv. meðfylgjandi skissu.
Afgreiðslu frestað.
   
2.  1111076 - Lóðaleigusamningur Gránugata 19.
Lagður var fram lóðaleigusamningur ásamt lóðablaði fyrir Gránugötu 19, Siglufirði.
Erindi samþykkt.
   
3.  1111077 - Lóðaleigusamningur Gránugata 19a
Lagður var fram lóðaleigusamningur ásamt lóðablaði fyrir Gránugötu 19a, Siglufirði.
Erindi samþykkt.
   
4.  1111060 - Varðar 5. tl. ákvæðis til bráðabirgðalaga í skipulagslögum nr. 123/2010
Skipulagsstofnun sendi inn erindi þar sem ítrekað er að frestur til að senda inn uppdrætti skv. 5. tl. bráðabirgðaákvæðis skipulagslaga, sem sannanlega hafa verið samþykktir í sveitastjórn fyrir 1. janúar 1998 og byggja á aðalskipulagi.  Frestur rennur út 31. desember 2011.
Nefndin felur tæknideild að fara yfir skipulagsuppdrætti sem sannanlega hafa verið samþykktir í sveitastjórn fyrir 1. janúar 1998 og ganga úr skugga um að þeir hafi hlotið fullnægjandi afgreiðslu Skipulagsstofnunar, frestur rennur út 31. desember 2011.
   
5.  0810130 - Samþykkt um kattahald
Lagt var fram drög að samþykkt um kattahald í Fjallabyggð.
Samþykkt með áorðnum breytingum og felur nefndin tæknideild að gera tillögu að gjaldskrá.
   
6.  1111059 - Hringsjá á Álfhól
Lagt fram til kynningar.
   
Fleira ekki gert.  Fundi slitið kl. 18:20.