Fréttir

Jólaandinn sveif yfir þegar jólaljósin voru tendruð á jólatrénu við Tjarnarborg í Ólafsfirði á föstudag. Bjarkey Olsen Gunnarsdóttir flutti hugvekju og Tinna Hjaltadóttir og Guðmann Sveinsson tóku nokkur jólalög auk þess sem börn úr leikskólanum Leikhólum sungu jólalög. Þá tóku nokkrir jólasveinar forskot á sæluna og mættu til byggða til þess að hitta börnin.

Það var hátíðleg stund þegar jólaljósin voru tendruð á jólatréinu á Ráðhústorgi Siglufjarðar í gær.

Bjössi brunabangsi heimsækir Fjallabyggð 4. og 5. desember og verður bæði á Siglufirði og Ólafsfirði.

Íbúafundur vegna fjárhagsáætlunar 2026 verður haldinn í Tjarnarborg þriðjudaginn 9.desember n.k. kl 17:00.

Hér er hægt að sjá aðventu og jóladagskrá í Fjallabyggð 2025

Velferðarsvið Fjallabyggðar óskar eftir öflugum og skapandi leiðtoga í starf deildarstjóra fræðslu- og frístundamála. Í sveitarfélaginu eru tveir leikskólar, tveir grunnskólar og tveir tónlistarskólar. Velferðarsvið er samþætt þjónustueining og undir það heyrir félags-, frístunda- og fræðsluþjónusta.

Leikskóli Fjallabyggðar óskar eftir að ráða leikskólakennara, leikskólaliða, eða starfsmann með aðra menntun sem nýtist í starfi, frá 15. janúar. Um er að ræða 100% stöðu á Leikhólum, Ólafsfirði.

Smávægileg seinkun verður á opnun gámasvæðisins á Siglufirði í dag, þriðjudag 18. nóvember.

Vegagerðin hefur boðið út for- og verkhönnun Fljótaganga, vegagerðar á Siglufjarðarvegi milli Stafár í Fljótum og tengingu við núverandi Siglufjarðarveg í botni Siglufjarðar. Um er að ræða 24 km vegagerð og 5,3 km löng jarðgöng. Frestur til að skila inn tilboðum er til 16. desember.