Samgöngur á landi

Skóla- og frístundaakstur í Fjallabyggð

Frístundaakstur sumarið 2020

Frá og með 4. júní tekur við frístundaakstur milli byggðarkjarnanna. Rútan fer frá skólahúsinu við Norðurgötu Siglufirði og Vallarhúsinu Ólafsfirði.  

Sérstök athygli er vakin á breyttri tímasetningu á morgunferðum. 

Klikkið á myndina til að stækka.

Tímatafla til útprentunar

Aksturstaflan gildir til 14. ágúst

Almenningssamgöngur í Fjallabyggð

STRÆTÓ ehf ekur milli Fjallabyggðar og Akureyrar. Strætó annast strætisvagnaþjónustu á landsbyggðinni og er með fastar ferðir milli Fjallabyggðar og Akureyrar. Strætóferðir á virkum dögum frá Siglufirði eru kl. 06:40, 09:30 og 15:00 og stoppar vagninn við Múlaveg í Ólafsfirði kl. 06:56, 09:46 og 15:16. Um helgar er eingöngu ekið á sunnudögum og er þá farið frá Siglufirði kl. 10:30.  Bíllinn er þá í Ólafsfirði kl. 10:46. Sama tímasetning er á helgidögum. Aksturstími til Akureyrar er um 1 klst. og 10 mín. Á virkum dögum fer Strætó frá Menningarhúsinu Hofi kl. 08:15, 13:15 og 16:30.  Á sunnu- og helgidögum kl. 15:40.

Allar nánari upplýsingar er að finna á heimasíðu Strætó.

Fréttir

Ný umferðarlög hafa tekið gildi

Ný umferðarlög tóku gildi þann 1. janúar síðastliðinn. Lögin hafa í för með sér ýmsar breytingar sem er mikilvægt að vegfarendur í Fjallabyggð og annars staðar hafi í huga. Samgöngustofa hefur tekið saman helstu nýmæli laganna á aðgengilegan hátt, sem íbúar Fjallabyggðar eru hvattir til að kynna sér.
Lesa meira

Fundur um flugmál á Akureyri 19. desember kl. 12:00

Fundur um flugmál á Akureyri Markaðsstofa Norðurlands heldur fund um flugmál á Hótel Kea á Akureyri fimmtudaginn 19. desember nk. 12:00 – 14:00. Léttur hádegismatur verður í boði án endurgjalds, en nauðsynlegt er að skrá sig hér .
Lesa meira

Tilkynning frá Fjallabyggð - Uppfærð

Rafmagn er komið á öll hús á Siglufirði og í hluta húsa Ólafsfjarðar. Samkvæmt upplýsingum frá RARIK er unnið hörðum höndum að koma rafmagni á og setja upp nauðsynlegt varaafl. Allar vélar Skeiðsfossvirkjunar eru komnar í lag. Heitt vatn er komið í öll hús á Siglufirði en húseigendum er bent á að tappa af lofti sem kann að hafa myndast í ofnakerfi húsanna. Fært er um Ólafsfjarðarmúla og verið að moka veginn um Almenninga.
Lesa meira

Ökumenn gætum ítrustu varúðar og sýnum gangandi og hjólandi tillitsemi

Nú er skólastarf komið á fullt þetta haustið og hið árlega verkefni Göngum í skólann hófst í gær. Að því tilefni eru ökumenn hvattir til að gæta ítrustu varúðar og sýna gangandi og hjólandi vegfarendum tillitsemi í umferðinni.
Lesa meira

Lokanir gatna meðan Fjarðargangan stendur yfir í Ólafsfirði

Fjarðargangan á vegum Skíðafélags Ólafsfjarðar verður haldin í Ólafsfirði laugardaginn 9. febrúar nk.
Lesa meira