Fundargerðir

Til bakaPrenta
Bæjarráð Fjallabyggðar - 658. fundur - 30. júní 2020

Haldinn í fjarfundi,
30.06.2020 og hófst hann kl. 08:15
Fundinn sátu: Helga Helgadóttir formaður, D lista,
Nanna Árnadóttir aðalmaður, I lista,
Jón Valgeir Baldursson aðalmaður, H lista,
Elías Pétursson bæjarstjóri.
Fundargerð ritaði: Helga Helgadóttir, formaður bæjarráðs


Dagskrá: 
Erindi og umsagnir frá starfsmönnum
1. 2006054 - Nýjar og endurskoðaðar áætlanir um framlög úr Jöfnunarsjóði sveitarfélaga
Lagðar fram, frá Samgöngu- og sveitarstjórnarráðuneytinu, dags. 24.06.2020, nýjar og endurskoðaðar áætlanir um framlög úr Jöfnunarsjóði sveitarfélaga. Framlög hafa verið endurskoðuð í takt við nýjar áætlanir um tekjur sjóðsins vegna efnahagslegra áhrifa af Covid-19. Ný áætlun gerir ráð fyrir að tekjur jöfnunarsjóðs lækki um tæpar 3.8 mkr.

Framlög til Fjallabyggðar lækka samtals um 12,1% eða 83,7 mkr.

Bæjarráð samþykkir að fela bæjarstjóra og deildarstjóra stjórnsýslu- og fjármáladeildar að yfirfara fjárhagsáætlun sveitarfélagsins og leggja til hugsanlegar mótvægisaðgerðir.
Stjórnarráðið - Nýjar og endurskoðaðar áætlanir um framlög úr Jöfnunarsjóði sveitarfélaga.pdf
Minnisblað, tekjuáætlun 2020 - jöfnunarsjóður 25.06.2020
Ýmis erindi
2. 2006019 - Beiðni Leyningsáss ses. um frestun framkvæmda við Skarðsveg
Á 656. fundi bæjarráðs óskaði ráðið eftir umsögn bæjarstjóra vegna erindis Vegagerðarinnar dags. 11.06.2020, þar sem óskað var eftir afstöðu sveitarfélagsins til erindis Leyningsáss ses. til Vegagerðarinnar, þess efnis að hlé verði gert á vegaframkvæmdum í Skarðsdal á meðan farið er yfir framkvæmdina í heild af hagsmuna- og fagaðilum.

Lögð fram umsögn bæjarstjóra dags. 26.06.2020.

Bæjarráð Fjallabyggðar setur sig ekki upp á móti frestun framkvæmda í Skarðsdal svo fremi að um það náist samkomulag aðila sem að verkinu koma en beinir því til Vegagerðar og Leyningsáss ses. að leitað verði leiða til að ljúka þeim framkvæmdum sem mögulegar eru án þess þó að til lokunar skíðasvæðisins komi. Einnig beinir bæjarráð því til stjórnar Leyningsáss ses. að fram verði sett kostnaðaráætlun vegna flutnings mannvirkja og eða nýbyggingaframkvæmda sem af flutningi skíðasvæðis leiða. Að síðustu vill bæjarráð ítreka og leggja áherslu á nauðsyn þess að Ofanflóðasjóður (ríkisvaldið) komi að þeim kostnaði sem fellur til vegna flutnings skíðasvæðis.
Skarðsvegur - hönnun veglína og fláafleygar
Skarðsvegur - yfirlitsmynd
Vegagerðin, ósk um afstöðu Fjallabyggðar
Beiðni Leyningsáss ses. um frestun framkvæmda við Skarðsveg
Umsögn vegna beiðni Leyningsáss ses. um frestum framkvæmda við Skarðsveg
3. 2006035 - Aðstoð vegna skemmda í skógrækt
Lagt fram erindi Kristrúnar Halldórsdóttur og Bjargar Sæby Friðriksdóttur fh. Skógræktarfélags Siglufjarðar dags. 16.06.2020, þar sem óskað er eftir aðstoð sveitarfélagsins við að fjarlægja trjáboli sem nauðsynlegt er að fella vegna skemmda af völdum snjóþunga sl. vetur. Einnig er óskað eftir viðgerð á vatnsinntaki sem skemmdist í vetur.

Lögð fram umsögn deildarstjóra tæknideildar, dags. 26.06 2020.

Bæjarráð samþykkir að senda fjóra sumarvinnustarfsmenn í fimm daga til þess að hreinsa til í skógræktinni. Áætlaður kostnaður kr. 450.000 verður færður sem styrkur á skógræktarfélagið. Vatnsinntak hefur þegar verið lagfært.
Erindi skógræktar félags Siglufjarðar dags. 16.06 2020
4. 2006052 - Styrkbeiðni frá Samtökum um kvennaathvarf
Lagt fram erindi Sigþrúðar Guðmundsdóttur fh. Samtaka um kvennaathvarf dags. 16.06.2020, þar sem óskað er eftir styrk frá sveitarfélögum á Norðurlandi eystra til þess að mæta húsnæðiskostnaði vegna áforma um opnun Kvennaathvarfs á Akureyri. Um tilraunaverkefni er að ræða sem áætlað er að fari af stað í ágúst og standi út apríl á næsta ári. Rekstur athvarfsins verður á ábyrgð Samtaka um kvennaathvarf en er samvinnuverkefni samtakanna, Bjarmahlíðar, Aflsins, Félagsmálaráðuneytis, Dómsmálráðuneytis og Akureyrarbæjar. Áætlaður kostnaður vegna húsnæðis er 2,5 mkr.

Bæjarráð samþykkir að styrkja samtökin um húsnæðiskostnað sem samsvarar hlutfallslega greiðslum sveitarfélagsins til Samtaka sveitarfélaga og atvinnuþróunar á Norðurlandi eystra eða um kr. 164.179. Styrk verður mætt með lækkun á handbæru fé.
Erindi Kvennaathvarfsins dags 16.06 2020
Fundargerð
5. 2006014F - Undirkjörstjórn í Ólafsfirði - 36. fundur - 18. júní 2020
Framlögð fundargerð staðfest.
5.1. 2006030 - Undirbúningur forsetakosninga
Niðurstaða 36. fundar undirkjörstjórnar í Ólafsfirði
1. Kjörskráin lögð fram undirrituð af Guðrúnu Sif Guðbrandsdóttur.
2. Ræddum um fyrirkomulag á kjördag.
3. Starfsmenn Fjallabyggðar koma fyrir kjörklefum á morgun, föstudag 19. júní.
4. Kjördeild verður í Menntaskólanum á Tröllaskaga.
5. Félag eldri borgara í Ólafsfirði ætlar að sjá um dyravörslu.
6. Kjörfundur stendur frá kl. 10:00 til 22:00.
Niðurstaða þessa fundar
Afgreiðsla 36. fundar Undirkjörstjórnar í Ólafsfirði staðfest á 658. fundi bæjarráðs með 3 atkvæðum.
Fleira ekki gert. Fundi slitið kl. 08:30 

Til bakaPrenta