Fundargerðir

Til bakaPrenta
Markaðs- og menningarnefnd Fjallabyggðar - 58. fundur - 6. nóvember 2019

Haldinn Ólafsvegi 4, Ólafsfirði,
06.11.2019 og hófst hann kl. 17:00
Fundinn sátu: Ólafur Stefánsson formaður, D lista,
Jón Kort Ólafsson aðalmaður, H lista,
Sigríður Guðmundsdóttir aðalmaður, D lista,
Ægir Bergsson varaformaður I lista,
Ríkey Sigurbjörnsdóttir deildarstjóri fræðslu- frístunda- og menningarmála.
Fundargerð ritaði: Ríkey Sigurbjörnsdóttir, deildarstjóri fræðslu-, frístunda- og menningarmála.
Ida M. Semey boðaði forföll með stuttum fyrirvara, ekki gafst ráðrúm til að boða varamann hennar.


Dagskrá: 
Til kynningar
1. 1909004 - Haustfundur ferðaþjónustu, menningar og afþreyingar í Fjallabyggð
Rætt um fyrirhugaðan haustfund ferðaþjónustu-, menningar-, afþreyingar- og þjónustuaðila í Fjallabyggð sem fyrirhugaður er fimmtudaginn 14. nóvember nk. kl. 17:30 í Tjarnarborg. Formaður fór yfir dagskrá fundarins sem liggur nú fyrir og hefur verið auglýst. Nefndin hvetur áðurnefnda aðila til að fjölmenna á fundinn.
Dagskrá fundar 14 nov 2019.pdf
2. 1908062 - Söfnunar- og útlánastefna Listasafns Fjallabyggðar
Mikilvægt er að Fjallabyggð eigi söfnunarstefnu og útlánareglur fyrir Listaverkasafn Fjallabyggðar. Markaðs- og menningarfulltrúi hefur unnið drög og felur nefndin honum að vinna drögin áfram í samræmi við umræðu fundarins.
3. 1910007 - Málverkagjöf
Kjartan Stefánsson, fyrir hönd barna Stefáns Friðbjarnarsonar fyrrverandi bæjarstjóra Siglufjarðar, færði Fjallabyggð málverk eftir Herbert Sigfússon að gjöf. Myndefni málverksins er Siglufjörður á þeim tíma sem málverkið var gert, árið 1947. Málverkið var í eigu foreldra þeirra. Markaðs- og menningarnefnd þakkar höfðinglega gjöf.
4. 1910029 - Fjárhagsáætlun 2020
Drög að fjárhagsáætlun þeirra málaflokka sem heyra undir markaðs- og menningarnefnd fyrir árið 2020 voru lögð fram til kynningar og umfjöllunar.
5. 1911005 - Gjaldskrár 2020
Drög að gjaldskrám Tjarnarborgar og Bóka- og héraðsskjalasafns Fjallabyggðar lðgð fram til kynningar og umfjöllunar.
Fleira ekki gert. Fundi slitið kl. 19:00 

Til bakaPrenta