Fundargerðir

Til bakaPrenta
Bæjarráð Fjallabyggðar - 618. fundur - 3. september 2019

Haldinn í Ráðhúsi Fjallabyggðar, Gránugötu 24, Siglufirði,
03.09.2019 og hófst hann kl. 16:30
Fundinn sátu: Helga Helgadóttir formaður, D lista,
Nanna Árnadóttir aðalmaður, I lista,
Jón Valgeir Baldursson aðalmaður, H lista,
Guðrún Sif Guðbrandsdóttir deildarstjóri stjórnsýslu- og fjármála.
Fundargerð ritaði: Guðrún Sif Guðbrandsdóttir, deildarstjóri stjórnsýslu og fjármála


Dagskrá: 
Erindi og umsagnir frá starfsmönnum
1. 1506047 - Leiguhúsnæði fyrir NEON félagsmiðstöð
Lögð fram drög að samningi milli Siglunes Gesthouse og Fjallabyggðar um leigu húsnæðis að Lækjargötu 8 Siglufirði fyrir félagsmiðstöðina Neon fyrir tímabilið 01.09.2019 til 31.08.2020.

Bæjarráð samþykkir að fela bæjarstjóra að undirrita samninginn fyrir hönd sveitarfélagsins.
2. 1901047 - Staðgreiðsla tímabils - 2019
Lagt fram yfirlit staðgreiðslu útsvars fyrir tímabilið janúar til ágúst 2019. Staðgreiðsla fyrir tímabilið nemur kr. 750.856.127 eða 102,56% af tímabilsáætlun.
3. 1906006 - Styrkbeiðni - The Viking Surgeons Association
Á 608. fundi bæjarráðs óskaði ráðið eftir umsögn bæjarstjóra og markaðs- og menningarfulltrúa vegna erindis Jóseps Ó. Blöndal læknis, fh. Samtaka skurðlækna sem vinna á litlum/ eða afskekktum stöðum.

Lagt fram vinnuskjal markaðs- og menningarfulltrúa dags. 19.08.2019 þar sem fram kemur að kostnaður vegna móttöku er áætlaður kr. 200.000.

Bæjarráð samþykkir viðauka nr.14/2019 að upphæð kr. 200.000.- við deild 21510, lykill 4230 og að honum sé mætt með lækkun á handbæru fé og vísar honum til umfjöllunar og afgreiðslu bæjarstjórnar.
Ýmis erindi
4. 1907035 - Beiðni um gögn í útboðum Fjallabyggðar á götulýsingum
Undir þessum lið sat Ármann V. Sigurðsson deildarstjóri tæknideildar.

Lagt fram erindi Bjargar Ástu Þórðardóttur lögmanns Samtaka Iðnaðarins fh. Raffó ehf. dags. 21.08.2019 þar sem ítrekuð er beiðni um upplýsingar vegna verðkönnunar Fjallabyggðar á götulýsingum og óskað eftir afstöðu sveitarfélagsins til hugsanlegrar bótakröfu.

Bæjarráð áréttar að umbeðin gögn hafa þegar verið send og tekur ekki afstöðu til hugsanlegrar bótakröfu.



5. 1908052 - Úrbætur á fráveitulögnum á lóð Síldarminjasafnsins
Lagt fram erindi Anítu Elefsen safnstjóra Síldarminjasafns Íslands vegna vatnssöfnunar á lóð Síldarminjasafnsins dagana 8.- 13. ágúst sl. sem varð til þess að vatn flæddi inn í húsakynni safnsins. Óskað er eftir því að sveitarfélagið ráði bót á frárennslismálum á svæðinu svo að forðast megi frekara tjón í framtíðinni.

Bæjarráð felur bæjarstjóra og deildarstjóra tæknideildar að vinna málið áfram og leggja fyrir bæjarráð.
6. 1908069 - Hreinsun á skurðum og ræsum ofan Ólafsfjarðar
Lagt fram erindi Ásgeirs Loga Ásgeirssonar íbúa við Hlíðarveg í Ólafsfirði, dags. 22.08.2019 þar sem óskað er eftir upplýsingum varðandi viðhald og framræstingu skurða sem grafnir voru í kjölfar aurskriðanna sem féllu á Ólafsfjörð í ágúst 1988.

Bæjarráð samþykkir að óska eftir umsögn deildarstjóra tæknideildar.
7. 1908070 - Framtíð byggðaþróunar á Norðurlöndum
Lagt fram til kynningar erindi Samgöngu- og sveitarstjórnarráðuneytisins, dags. 26.08.2019 þar sem fram kemur að Opin ráðstefna um framtíð byggðarþróunar á Norðurlöndum verður haldinn í Hákskólanum á Akureyri 12. september nk. kl. 9-17.

8. 1807019 - Persónuverndarfulltrúi
Lagt fram til kynningar erindi Helgu Þórisdóttur og Vigdísar Evu Líndal fh. Persónuverndar þar sem tilkynnt er að Persónuvernd hafi lokið aðkomu sinni vegna tilnefningar persónufulltrúa sbr. 1. mgr. 35. gr. laga nr. 90/2018 þar sem Fjallabyggð hefur tilnefnt persónverndarfulltrúa samkvæmt ákvæðum laga þessa.
9. 1909007 - Nýtt fiskveiðiár 2019/2020
Lagt fram til kynningar erindi Fiskistofu, dagsett 2. september 2019, varðandi úthlutun aflamarks fyrir fiskveiðiárið 2019/2020.

Sólberg ÓF 1, sama skip og á fyrra fiskveiðiári, fær úthlutað mestu aflamarki, eða 10.354 þorskígildistonnum, sem er 2,8% af úthlutuðum þorskígildum.
Til kynningar
10. 1908054 - Umsögn um áhrif áfengis á Heimsmarkmið Sameinuðu þjóðanna
Lagt fram til kynningar erindi Björns Sævars Einarssonar og Aðalsteins Gunnarssonar fh. IOGT á Íslandi, dags. 19.08.2019 er varðar umsögn IOGT á Íslandi um áhrif áfengis á Heimsmarkmið Sameinuðu þjóðanna.
Umsögn um áhrif áfengis á Heimsmarkmið Sameinuðu þjóðanna
Fundargerðir til kynningar
11. 1901004 - Fundargerðir nefnda og stjórna Fjallabyggðar - 2019
Lagðar fram til kynningar, 120. fundargerð félagsmálanefndar Fjallabyggðar frá 27. ágúst sl., 2. fundargerð Öldungaráðs Fjallabyggðar frá 30. ágúst sl. og 74. fundargerð fræðslu- og frístundanefndar Fjallabyggðar frá 2.september sl.
Fleira ekki gert. Fundi slitið kl. 17:30 

Til bakaPrenta