Fundargerðir

Til bakaPrenta
Skipulags- og umhverfisnefnd Fjallabyggðar - 239. fundur - 2. maí 2019

Haldinn Ólafsvegi 4, Ólafsfirði,
02.05.2019 og hófst hann kl. 16:30
Fundinn sátu: Konráð Karl Baldvinsson formaður I lista,
Hjördís Hanna Hjörleifsdóttir varaformaður, D lista,
Brynja Ingunn Hafsteinsdóttir aðalmaður, D lista,
Helgi Jóhannsson aðalmaður, H lista,
Nanna Árnadóttir varamaður, I lista sat fyrir Ingibjörg Guðlaug Jónsdóttir,
Ármann Viðar Sigurðsson deildarstjóri tæknideildar,
Íris Stefánsdóttir Skipulags- og tæknifulltrúi.
Fundargerð ritaði: Íris Stefánsdóttir, skipulags- og tæknifulltrúi


Dagskrá: 
Almenn erindi
1. 1903027 - Umsókn um byggingarleyfi - Hrannarbyggð 7
Lögð fram umsókn dagsett 9. mars 2019 þar sem Eiríkur Pálmason óskar eftir leyfi fyrir viðbyggingu við bílskúr að Hrannarbyggð 7 samkvæmt meðfylgjandi teikningu eftir Kristján Eldjárn Hjartarson byggingafræðing. Einnig lagt fram samþykki nágranna að Hrannarbyggð 5.
Erindi samþykkt.
2. 1904037 - Umsókn um byggingarleyfi - viðbygging á Skógarstíg 8
Lögð fram umsókn dagsett 10. apríl 2019 þar sem Kristján Hauksson óskar eftir leyfi fyrir viðbyggingu við frístundahús sitt samkvæmt meðfylgjandi teikningum eftir Gísla G. Gunnarsson byggingafræðing.
Erindi samþykkt.
3. 1904087 - Umsókn um leyfi til útlitsbreytinga á gámi
Lagt fram erindi dagsett 23. apríl 2019 þar sem Gestur Hansson f.h. Top Mountaineering óskar eftir leyfi fyrir útlitsbreytingum á gám við Norðurtanga.
Nefndin óskar eftir því að Gestur komi á næsta fund nefndarinnar til að fara yfir framtíðaráform fyrirtækisins.
4. 1904091 - Sápuboltamót 2019
Lagt fram erindi dagsett 29. apríl 2019 þar sem Heimir Ingi Grétarsson f.h. Sápuboltans ehf. óskar eftir leyfi til að halda sápuboltamótið á túninu norðan við Olís í Ólafsfirði.
Erindi samþykkt.
5. 1904036 - Endurnýjun lóðarleigusamnings - Hvanneyrarbraut 28 Siglufirði
Lagt fram erindi dagsett 30. mars 2019, þar sem húseigendur Hvanneyrarbrautar 28 óska eftir stækkun lóðarinnar til austur skv. meðfylgjandi uppdrætti. Einnig er óskað eftir endurnýjun lóðarleigusamnings. Lagður fram nýr lóðarleigusamningur ásamt lóðarmarkayfirlýsingu og lóðablaði.
Erindi samþykkt
Undir þessum lið vék Konráð K. Baldvinsson af fundi.
6. 1904047 - Endurnýjun lóðarleigusamnings - Hlíðarvegur 31 Siglufirði
Lögð fram umsókn um endurnýjun lóðarleigusamnings Hlíðarvegar 31, dagsett 11. apríl 2019. Einnig lögð fram drög að nýjum samning og lóðarmarkayfirlýsingu ásamt samþykki aðliggjandi lóðarhafa.
Erindi samþykkt.
7. 1904062 - Endurnýjun lóðarleigusamnings - Laugarvegur 25 Siglufirði
Lögð fram umsókn um endurnýjun lóðarleigusamnings fyrir laugarveg 25, dagsett 12. apríl 2019. Einnig lögð fram drög að nýjum samning og lóðarblaði.
Erindi samþykkt.
8. 1810015 - Lóðarleigusamningur vegna Hornbrekku
Lögð fram drög að nýjum lóðarleigusamning ásamt lóðarblaði vegna skiptingu eignarhalds Ríkiseigna og Fjallabyggðar.
Erindi samþykkt.
9. 1904071 - Landskipti úr Hlíð , Ólafsfirði
Lagt fram erindi Gunnars L. Jóhannssonar dagsett 24.apríl 2019. Óskað er eftir umsögn nefndarinnar vegna landskipa Hlíðar 3 úr jörðinni Hlíð og Litlu-Hlíðar úr lóðinni Hlíð 3. Eigandi Litlu-Hlíðar eftir landskiptin hyggst reisa þar frístundahús.
Samkvæmt Aðalskipulagi Fjallabyggðar 2008-2028 er Litla-Hlíð á skilgreindu landsvæði fyrir frístundabyggð. Nefndin gerir því ekki athugasemd við landskiptin og landnotkun á Litlu-Hlíð.
10. 1904020 - Snjómokstur í tjörn í Ólafsfirði
Lagt fram erindi Láru Stefánsdóttur dagsett 4. apríl 2019 þar sem bent er á mengun í tjörninni í miðbæ Ólafsfjarðar, vegna snjómoksturs.
Nefndin þakkar fyrir ábendinguna og felur tæknideild að kanna aðra möguleika varðandi snjómokstur á svæðinu.
11. 1904095 - Yfirgefnar vinnubúðir á gamla flugvellinum í Ólafsfirði
Lagt fram erindi Helga Jóhannssonar, nefndarmanns Skipulags- og umhverfisnefndar, dagsett 29. apríl 2019 þar sem óskað er eftir því að vinnubúðir á gamla flugvellinum í Ólafsfirði verði fjarlægðar.
Nefndin þakkar ábendinguna og felur tæknideild úrlausn málsins.
12. 1904096 - Athugasemdir vegna umhirðu húss og lóðar á Ólafsvegi 14-16
Lagt fram erindi Hildar Gyðu Ríkharðsdóttur f.h. Hallarinnar veitingahúss dagsett 29. apríl 2019 þar sem gerðar eru athugasemdir vegna umhirðu húss og lóðar á Ólafsvegi 14-16.
Nefndin þakkar fyrir erindið og felur tæknideild úrlausn málsins.
13. 1905002 - Umsókn um leyfi til hænsnahalds
Lagt fram erindi dagsett 30. apríl 2019 þar sem forstöðumaður og hjúkrunarforstjóri Hornbrekku óskar eftir leyfi fyrir 6 hænum á lóð stofnunarinnar.
Erindi samþykkt.
Til kynningar
14. 1702058 - Verndarsvæði í byggð - Gömul byggð á Þormóðseyri, Siglufirði
Lögð fram til kynningar staðfesting ráðherra á að Þormóðseyri á Siglufirði verði verndarsvæði í byggð. Einnig lögð fram umsögn Minjastofnunar Íslands um tillöguna.
Staðfesting ráðherra á verndarsvæði í byggð.pdf
Umsögn Minjastofnunar vegna verndarsvæðis.pdf
15. 1904090 - Eftirlitsskýrslur heilbrigðiseftirlitsins 2019
Lögð fram til kynningar eftirlitsskýrsla HNV vegna skíðaskála í Skarðsdal.
32895_Skíðaskáli Skarðsdal - Lokaskýrsla.pdf
Fleira ekki gert. Fundi slitið kl. 17:45 

Til bakaPrenta