Fundargerðir

Til bakaPrenta
Félagsmálanefnd Fjallabyggðar - 116. fundur - 7. febrúar 2019

Haldinn Ólafsvegi 4, Ólafsfirði,
07.02.2019 og hófst hann kl. 16:30
Fundinn sátu: Ingvar Ágúst Guðmundsson varaformaður, D lista,
Díana Lind Arnarsdóttir aðalmaður, D lista,
Hrafnhildur Ýr Denke Vilbertsdóttir formaður I lista,
Særún Hlín Laufeyjardóttir aðalmaður, H lista,
Hjörtur Hjartarson deildarstjóri félagsmáladeildar.
Fundargerð ritaði: Hjörtur Hjartarson, félagsmálastjóri


Dagskrá: 
Almenn erindi
1. 1902025 - Starfsáætlun félagsmálanefndar 2019
Umræður um fundardaga félagsmálanefndar næstu mánuði og helstu verkefni nefndarinnar sem fram undan eru. Nefndin ákveður að heimsækja starfstöðvar félagsþjónustunnar á næstu vikum. Einnig samþykkir nefndin að óska eftir sameiginlegum fundi með félagsmálaráði Dalvíkurbyggðar til að ræða og fara yfir sameiginleg verkefni.
2. 1902026 - Uppfærð grunnfjárhæð fjárhagsaðstoðar 2019
Félagsmálanefnd samþykkir fyrir sitt leyti að grunnfjárhæð fjárhagsaðstoðar verði kr. 153.552 og taki gildi frá og með 1. mars næstkomandi.
3. 1901058 - Reglur um heimaþjónustu Fjallabyggðar
Félagsmálanefnd fór yfir drög að nýjum reglum um heimaþjónustu í Fjallabyggð. Málið verður tekið fyrir að nýju á næsta fundi nefndarinnar.
4. 1902028 - Reglum um úthlutun íbúða aldraðra í Skálarhlíð
Deildarstjóri lagði fram drög að sérstökum reglum um úthlutun íbúða í Skálarhlíð. Málið verður tekið aftur fyrir á næsta fundi nefndarinnar.
5. 1902033 - Mat á þörf og forgangsröðun biðlista eftir íbúð í Skálarhlíð
Deildarstjóri lagði fram matslista fyrir forgangsröðun biðlista eftir íbúð í Skálarhlíð. Matslistinn tekur á þáttum sem snúa að heilsufari, aldri, félagslegum aðstæðum og núverandi húsnæðisaðstæðum umsækjenda. Félagsmálanefnd samþykkir að matslistinn verði tekinn í notkun við forgangsröðun biðlista eftir íbúð í Skálarhlíð.
6. 1902024 - Samningur um þjónustu félagsráðgjafa
Lögð fram drög að samningi við Þorleif Kr. Níelsson, félagsráðgjafa um sérfræðiþjónustu fyrir félagsþjónustu Fjallabyggðar. Samningurinn gildir frá 1. mars 2019 til 31. desember 2019. Félagsmálanefnd samþykkir samninginn fyrir sitt leyti og vísar málinu til bæjarráðs.
Fleira ekki gert. Fundi slitið kl. 18:00 

Til bakaPrenta