Fundargerðir

Til bakaPrenta
Stýrihópur Heilsueflandi samfélags - 6. fundur - 10. janúar 2019

Haldinn í Ráðhúsi Fjallabyggðar, Gránugötu 24, Siglufirði,
10.01.2019 og hófst hann kl. 15:00
Fundinn sátu: Guðrún Helga Kjartansdóttir fulltrúi heilsugæslu,
Þórarinn Hannesson fulltrúi UÍF,
María Bjarney Leifsdóttir fulltrúi leik- og grunnskóla,
Ríkey Sigurbjörnsdóttir deildarstjóri fræðslu- frístunda- og menningarmála,
Fundargerð ritaði: Ríkey Sigurbjörnsdóttir, deildarstjóri fræðslu-, frístunda- og menningarmála
Björn Þór Ólafsson boðaði forföll og Björg Sæby Friðriksdóttir varamaður hans einnig.


Dagskrá: 
Til kynningar
1. 1811055 - Stýrihópur heilsueflandi samfélags
Á 5 fundi stýrihóps um Heilsueflandi samfélag var ákveðið að óska eftir tilnefningu á varamönnum frá þeim hópum sem eiga fulltrúa í stýrihópnum.

Varamenn hafa verið tilnefndir:

Eldri borgarar tilnefndu Björgu Sæby Friðriksdóttur

Varamaður frá leik- og grunnskóla er Björk Óladóttir

Varamaður frá heilsugæslu er Dagný Sif Stefánsdóttir

Varamaður UÍF er Arnheiður Jónsdóttir

2. 1804004 - Heilsueflandi samfélag - staðan og næstu skref
Embætti landlæknis hefur sent Fjallabyggð fána Heilsueflandi samfélags með nafni Fjallabyggðar.

Stýrihópurinn hefur hug á að bjóða íbúum Fjallabyggðar upp á opið dansnámskeið, sex skipti. Sjá bókun í 3. dagskrárlið.

Stýrihópurinn hvetur til þess að líkt og á síðasta ári verði boðið upp á opna tíma í líkamsræktum sveitarfélagsins og vísar því til fræðslu og frístundanefndar til umfjöllunar. Í opna tíma, sem yrðu tímasettir og auglýstir, gæti fólk komið og notið leiðsagnar á tæki.
3. 1901032 - Dansandi Fjallabyggð - opnir danskennslutímar
Stýrihópur um Heilsueflandi samfélag hefur hug á að bjóða íbúum Fjallabyggðar upp á 6 skipta opið dansnámskeið sem haldið verður í Tjarnarborg sunnudagskvöld kl. 20.00, í fyrsta sinn sunnudaginn 3. febrúar. Danskennari verður Ingunn Hallgrímsdóttir.
Gert er ráð fyrir kostnaði við námskeiðið í fjárhagsáætlun 2019. Allir eru velkomnir á meðan húsrúm leyfir. Námskeiðið verður auglýst á næstunni.

Fleira ekki gert. Fundi slitið kl. 16:00 

Til bakaPrenta