Frá og með 11. júní tekur við frístundaakstur milli byggðarkjarnanna. Rútan fer frá skólahúsinu við Norðurgötu Siglufirði og Vallarhúsinu Ólafsfirði.

Grunnskóla Fjallabyggðar verður slitið þriðjudaginn 5. júní og eru tímasetningar sem hér segir: Kl. 11:00 í Íþróttahúsinu Ólafsfirði, fyrir nemendur í 6.-9. bekk Kl. 13:00 í íþróttasalnum Norðurgötu Siglufirði, fyrir nemendur 1.-5. bekk

Þar sem kennslu í Grunnskóla Fjallabyggðar lýkur föstudaginn 1. júní mun akstur skólabíls verða með öðrum hætti í sumar. Hér má sjá tímatöflu fyrir vikuna 4.-8. júní. Ný tímatafla tekur gildi 11. júní v. frístundaaksturs. Hún verður birt fljótlega.

Skólasýning í Grunnskóla Fjallabyggðar Næsta miðvikudag 9. maí er Skólasýning í Grunnskóla Fjallabyggðar.

Laugardaginn 14. apríl nk. verður kosið um hvort íbúar vilji að sú fræðslustefna sem samþykkt var í bæjarstjórn í maí 2017 haldi gildi sínu eða hvort sú fræðslustefna sem fyrir var, frá árinu 2009 taki gildi að nýju. Í nýju (núgildandi) fræðslustefnunni er sett fram kennslufyrirkomulag það sem nú er kennt eftir. 1.-5. bekkur í starfsstöð grunnskólans á Siglufirði og 6.-10. bekkur í starfsstöð grunnskólans í Ólafsfirði. Í fræðslustefnu frá 2009 var ekki sett fram kennslufyrirkomulag heldur var það fyrirkomulag sem var í gildi fyrir gildistöku nýju fræðslustefnunnar samþykkt í bæjarstjórn árið 2012 og var í gildi þegar ný fræðslustefna var samþykkt í maí s.l. Það kennslufyrirkomulag fól í sér að nemendur í 1.-4. bekk var kennt í starfsstöð síns bæjarkjarna, 5.-7. bekkur var í starfsstöðinni í Ólafsfirði og 8.-10. bekkur í starfsstöðinni á Siglufirði. Í meðfylgjandi töflu má sjá helsta mun á kennsluskipulagi því sem fylgir hvorri stefnu fyrir sig og hvaða tækifæri felast í hvoru skipulagi fyrir sig.

Í sumar verður ráðist í 1. áfanga endurgerðar á skólalóð Grunnskóla Fjallabyggðar í Ólafsfirði. Á meðfylgjandi mynd má sjá hvernig endurgerð skólalóðarinnar er skipt í þrjá áfanga. Í fyrsta áfanga, sem afmarkaður er með appelsínugulri punktalínu á myndinni er áætlað að endurgera svæðið næst skólahúsinu að framan og norðan að íþróttahúsi. Áfangi 2 er merktur með gulri punktalínu og síðasti áfanginn, áfangi 3 með rauðri.

Samanburður á kennsluskipulagi fyrir og eftir nýja fræðslustefnu 2017

Frístund er samstarfsverkefni grunnskólans, íþróttafélaga í Fjallabyggð og Tónlistarskólans á Tröllaskaga.

Í byrjun núverandi skólaárs var upphafi skóladags í Menntaskólanum á Tröllaskaga breytt og hefst nú skólinn kl. 8.10 í stað 8.30 áður. Þetta var liður í því að stilla saman stundatöflur menntaskólans og grunnskólans þar sem það hentaði ekki grunnskólanum að hefja skóladaginn seinna. Stundatafla MTR var þannig aðlöguð að og stillt eftir óskum grunnskólans.

Páskafrí hefst í Grunnskóla Fjallabyggðar að loknum skóladegi föstudaginn 23. mars. Fyrsti skóladagur eftir páska er þriðjudaginn 3. apríl nk.