Fundargerðir

Til bakaPrenta
Bæjarráð Fjallabyggðar - 699. funudr - 8. júní 2021

Haldinn í fjarfundi,
08.06.2021 og hófst hann kl. 08:15
Fundinn sátu: Helga Helgadóttir formaður, D lista,
Nanna Árnadóttir aðalmaður, I lista,
Jón Valgeir Baldursson aðalmaður, H lista,
Guðrún Sif Guðbrandsdóttir deildarstjóri stjórnsýslu- og fjármála,
Elías Pétursson bæjarstjóri.
Fundargerð ritaði: Guðrún Sif Guðbrandsdóttir, deildarstjóri stjórnsýslu- og fjármála


Dagskrá: 
Erindi og umsagnir frá starfsmönnum
1. 2101006 - Launayfirlit tímabils - 2021
Lagt fram til kynningar yfirlit launa fyrir tímabilið janúar til maí 2021.
 
2. 2101005 - Staðgreiðsla tímabils - 2021
Lagt fram til kynningar yfirlit staðgreiðslu fyrir tímabilið janúar til maí 2021. Staðgreiðsla fyrir tímabilið nemur kr. 509.677.342 eða 107,17% af tímabilsáætlun.
 
3. 2105037 - Verðtilboð í skólamáltíðir Grunnskóla Fjallabyggaðar 2021 - 2024.
Lagt fram vinnuskjal deildarstjóra fræðslu-, frístunda- og menningarmála, dags. 03.06.2021 þar sem fram kemur að verðtilboð í skólamáltíðir fyrir Grunnskóla Fjallabyggðar 2021-2024 voru opnuð 2. júní sl.
Eitt tilboð barst, frá Höllinni veitingahús ehf. Ólafsfirði.

Samningsfjárhæð er kr. 28.383.600.- á ári miðað við áætlaðan fjölda seldra máltíða.

Deildarstjóri leggur til að gengið verði til samninga við Höllina veitingahús ehf. um framleiðslu skólamáltíða fyrir Grunnskóla Fjallabyggðar skólaárin 2021-2024 með möguleika á framlengingu 2svar 1 ár í senn.

Bæjarráð samþykkir að taka tilboði Hallarinnar veitingahúss í skólamáltíðir fyrir Grunnskóla Fjallabyggðar skólaárin 2021-2024 með möguleika á framlengingu 2svar 1 ár í senn og felur deildarstjóra að vinna málið áfram og undirrita samning fyrir hönd sveitarfélagsins í samræmi við tillögur í vinnuskjali.
 
4. 2106013 - Umsögn um tillögu til þingsályktunar um endurskoðun á laga- og reglugerðarumhverfis sjóakvíaelda
Lögð fram til kynningar umsögn Fjallabyggðar um tillögu til þingsályktunar um endurskoðun laga- og reglugerðarumhverfis sjókvíaeldis, sbr. 640. mál.
Bæjarráð samþykkir að fela bæjarstjóra að senda umsögnina í samráðsgátt stjórnvalda.
Umsögn Fjallabyggðar um tillögu til þingsályktunar um endurskoðun laga- og reglugerðarumhverfis sjókvíaeldis - 640 mál - 04.06 2021
 
5. 2106014 - Umsögn um drög að reglugerð um öryggiskröfur fyrir jarðgöng.
Lögð fram til kynningar umsögn Fjallabyggðar um drög að reglugerð um öryggiskröfur fyrir jarðgöng, dags. 04.06 2021.

Lögð fram til kynningar umsögn slökkviliðsstjóra Fjallabyggðar vegna draga að breytingum á reglugerð um öryggi í jarðgöngum, dags. 03.06.2021.

Umsögn Fjallabyggðar um drög að reglugerð um öryggiskröfur fyrir jarðgöng 04.06 2021.pdf
Umsögn slökkviliðsstjóra Fjallabyggðar vegna draga að breytingum á reglugerð um öryggi í jarðgöngum.pdf
 
6. 2106019 - Trúnaðarmál
Niðurstaða bæjarráðs færð í trúnaðarbók.
 
Ýmis erindi
7. 2104021 - Siðareglur kjörinna bæjarfulltrúa og stjórnenda hjá Fjallabyggð - 2021
Lagt fram til kynningar erindi Samgöngu- og sveitarstjórnarráðuneytisins, dags. 31.05.2021 þar sem fram kemur að ráðuneytið hefur staðfest siðareglur kjörinna fulltrúa Fjallabyggðar sbr. 29. gr. laga nr. 138/2011.
Svarbréf Samgöngu-og sveitarstjórnarráðuneytis - siðareglur fyrir kjörna fulltrúa Fjallabyggðar
 
8. 2106010 - Umsókn um styrk
Lagt fram erindi Arnars Helga Lárussonar, dags. 02.06.2021 þar sem fram kemur að í sumar ætlar hann að hjóla 400 km á höndunum þar sem hann er hreyfihamlaður eftir slys fyrir u.þ.b 20 árum síðan. Óskað er eftir áheitum frá sveitarfélögum þar sem ætlunin er að kaupa sérútbúin fjallahjól fyrir fólk sem er hreyfihamlað.
Bæjarráð sér sér ekki fært að verða við beiðninni þar sem frestur til að sækja um styrk fyrir rekstrarárið 2021 er liðinn.
PDF Multi umsókn 400KM (3).pdf
 
9. 2106016 - Ósk um breytingar á skipulagi Þormóðseyrar og hafnarsvæðis á Siglufirði.
Lagt fram erindi Sigríðar Vigdísar Vigfúsdóttur, f.h. Primex ehf., dags. 03.06.2021 þar sem óskað er eftir breytingum á skipulagi Þormóðseyrar og hafnarsvæðis á Siglufirði er varða skipulagsmál við Óskarsgötu.
Bæjarráð samþykkir að óska eftir umsögn bæjarstjóra og deildarstjóra tæknideildar.
 
10. 2106017 - Tillögur sveitarfélaga um fulltrúa í samráðsvettvang Sóknaráætlunar Norðurlands eystra 2020-2024
Lagt fram erindi Sambands sveitarfélaga og atvinnuþróunar á Norðurlandi eystra (SSNE), dags. 03.06.2021 þar sem óskað er eftir tillögu að fjórum fulltrúum frá hverju sveitarfélagi í samráðsvettvang Sóknaráætlunar Norðurlands eystra 2020-2024. Óskað er eftir tillögu að tveimur karlkyns og tveimur kvenkyns fulltrúum í samráðsvettvanginn, alls fjórum. Annars vegar tveimur fulltrúum af pólitískum vettvangi og hins vegar tveimur ópólitískum.
Bæjarráð samþykkir að fela bæjarstjóra að auglýsa, eftir fjórum áhugasömum fulltrúum íbúa, á heimasíðu sveitarfélagsins.

Bæjarráð mun síðan tilnefna fyrir hönd sveitarfélagsins.
TP - SSNE RE Tillögur um fulltrúa í samráðsvettvang.pdf
 
Til kynningar
11. 2105083 - Breyting á jarðalögum 2021.
Lagt fram til kynningar erindi Atvinnuvega- og nýsköpunarráðuneytisins, dags. 28.05.2021 er varðar kynningu á lögum um breytingum á jarðalögum nr. 81/2004 sem samþykkt voru á Alþingi 18. maí sl.
ANR umburðarbréf vegna br. á jarðalögum 2021.pdf
 
12. 2102020 - Fréttabréf Samtaka sveitarfélaga og atvinnuþróunar á Norðurlandi eystra (SSNE) - 2021
Lagt fram til kynningar fréttabéf SSNE - 15. Tbl. maí 2021.
Fréttabréf SSNE - Maí 2021.pdf
 
13. 2106008 - Launaþróun sveitarfélaga
Lagt fram til kynningar minnisblað sviðsstjóra kjarasviðs Sambands íslenskra sveitarfélaga, dags. 26. maí 2021, um launaþróun sveitarfélaga.
Launaþróun sveitarfélaga.pdf
 
14. 2105039 - Aðalfundur Veiðifélags Ólafsfjarðar 2021.
Lagt fram til kynningar erindi stjórnar Veiðifélags Ólafsfjarðar, dags. 02.06.2021 þar sem boðað er til Aðalfundar Veiðifélags Ólafsfjarðar með útsendri dagskrá ásamt tillögum til stjórnar sem bornar verða upp til atkvæðagreiðslu á fundinum. Fundurinn verður haldinn að Brimvöllum 2, (Tuggunni félagsheimili hestamanna) Ólafsfirði, laugardaginn 12.06 n.k. kl 14:00.
 
Fundargerðir til kynningar
15. 2102009 - Fundargerðir Sambands íslenskra sveitarfélaga - 2021
Lögð fram til kynningar 898. fundargerð Sambands íslenskra sveitarfélaga, dags. 28.05.2021
stjórn Sambands íslenskra sveitarfélaga - 898.pdf
 
16. 2101073 - Boðun XXXVI. landsþings sambandsins
Lögð fram til kynningar fundargerð XXXVI. landsþings sambandsins frá 21.05.2021
Fundargerð XXXVI. landsþings sambandsins.pdf
 
Fundargerðir til staðfestingar
17. 2101002 - Fundargerðir nefnda og stjórna Fjallabyggðar - 2021
Lögð fram til kynningar fundargerð 269. fundar Skipulags- og umhverfisnefndar Fjallabyggðar frá 2. júní sl.
269. fundur Skipulags- og umhverfisnefnd Fjallabyggðar.pdf
 
Fleira ekki gert. Fundi slitið kl. 09:10 

Til bakaPrenta