Hópurinn við íþróttamiðstöðina í Ólafsfirði
Markaðsstofa Norðurlands og skíðasvæði Norðurlands stóðu fyrir kynnisferð, í gær, fyrir söluaðila
ferðaþjónustufyrirtækja.
Markmiðið var að í lok dags hefðu þátttakendur náð að upplifa þessa mögnuðu afþreyingu á fimm mismunandi
svæðum í bland við aðra þjónustu, mat og drykk. Mikli gleði var í fyrirrúmi, fimm skíðasvæði voru kynnt og voru
það skíðasvæðin á Akureyri, Dalvík, Ólafsfirði, Siglufirði og Sauðárkróki sem buðu í heimsókn. Egill
Rögnvaldsson umsjónarmaður skíðasvæðisins í Skarðsdal og Haukur Sigurðsson íþrótta- og tómstundafulltrúi
Fjallabyggðar sáu um kynningu á skíðasvæðum Fjallabyggðar.
Mynd: Markaðsstofa Norðurlands.