Ljóðaflóð 2020 - GF á vinningshafa í keppninni

Unnsteinn Sturluson, verðlaunahafi á unglingastigi
Mynd: Grunnskóli Fjallabyggðar
Unnsteinn Sturluson, verðlaunahafi á unglingastigi
Mynd: Grunnskóli Fjallabyggðar

Menntamálastofnun, í samstarfi við KrakkaRúv, efndi til ljóðasamkeppni grunnskóla í tilefni af degi íslenskrar tungu.
Þetta árið var ljóðformið frjálst bæði hvað varðar form og innihald.

Það er sönn ánægja að tilkynna að Unnsteinn Sturluson var hlutskarpastur á unglingastigi með ljóðið Ljósið mun sýna þér sannleikann. Stórkostlegur árangur hjá Unnsteini. Þetta er annað árið í röð sem Grunnskóli Fjallabyggðar á vinningshafa í keppninni.

Fjallabyggð óskar Unnsteini innilega til hamingju.

Ljósið mun sýna þér sannleikann

Ég sá ljósið koma

á himininn,

það sýndi mér sannleikann.

Að við löbbum

en förum ekki neitt.

Að við borðum

en samt er ekkert nóg.

Að við gefum

en ekkert er þar.

Að við elskum

eitthvað sem er ekki til.

Því lífið heldur áfram

þótt þú og ég förum,

því lífið heldur áfram

þó ekkert sé þar.

Unnsteinn Sturluson, verðlaunahafi á unglingastigi.

Á heimasíðu Menntamálastofnunar mátti einnig finna ljóð sem voru á meðal þeirra bestu á unglingastigi og þar átti Grunnskóli Fjallabyggðar fleiri fulltrúa:

Smelltu HÉR til þess að lesa þau