Við Minningarsteininn í kirkjugarði Ólafsfjarðar
Mynd: Slökkvilið Fjallabyggðar
Í gær sunnudaginn 20. nóvember var alþjóðlegur minningardagur um fórnarlömb umferðarslysa. Að þessu sinni var sérstök áhersla lögð á öryggi óvarinna vegfarenda.
Táknræn minningarstund var haldin við minningarsteininn í kirkjugarðinum í Ólafsfirði og við kirkjutröppurnar á Siglufirði. Sigríður Ingvarsdóttir, bæjarstjóri flutti erindi á báðum stöðum. Kveikt var á kertum og tónlist flutt. Það eru Slysavarnadeild kvenna Ólafsfirði, Björgunarsveitin Strákar, Slysavarnadeildin Vörn á Siglufirði og Slökkvilið Fjallabyggðar ásamt öðrum viðbragðsaðilum sem standa að athöfnunum.